నాన్ ఫంజిబుల్ టోకెన్ల ట్రేడింగ్ మార్కెట్ ప్లేస్ ఎన్ఎఫ్టిఫై భారతదేశంలో కార్యకలాపాలు ప్రారంభించింది. డిజిటల్ ఆర్ట్ను బ్లాక్ చైన్ రూపంలో నిల్వ చేసినట్లయితే దాన్నే నాన్ ఫంజిబుల్ టోకెన్ అంటారు. క్రిప్టో కరెన్సీ మాదిరిగానే ఎన్ఎఫ్టీ కూడా భారత్లో ఇటీవలే ప్రాచుర్యం పొందుతోంది.
ట్విటర్ ప్రకారం క్రిప్టో గురించి చర్చించే వారి శాతం భారత్లో 43 శాతం పెరిగింది. ఆర్ట్ కు సంబంధించినంత వరకు ఎన్ఎఫ్టీలు సరైన మార్కెట్ను ఇవ్వటమే కాకుండా కొత్తగా ఆర్ట్ సృష్టించాలనుకునే వారికి ఎన్ఎఫ్టీలు సరైన మార్గమని ఎన్ఎఫ్టిఫై వెల్లడించింది. డిజిటల్ ఆర్ట్ను తమ ప్లాట్ ఫామ్ ద్వారా తయారు చేయవచ్చని, అంతేకాకుండా స్వంత బ్రాండ్తో స్టోర్ను ప్రారంభించుకోవచ్చని నిర్వాహకులు ప్రకటించించారు. పెద్ద ఆర్టిస్టులకే కాకుండా అందరికి అవకాశం ఇస్తుందని వారు తెలిపారు.
ఇందులో మైనింగ్ ఫీజు కూడా తక్కువగా ఉంటుందని పేర్కొన్నారు. ప్రతి ఒక్కరు ఎన్ఎఫ్టీని తయారు చేసేందుకు తమ ప్లాట్ ఫామ్ ఉద్దేశించినదని సీఈఓ నిఖిత వ్యాఖ్యానించారు.
కళల విషయంలో భారత్కు ఎనలోని నైపుణ్యం ఉందని, కాని కళాకారులు గ్లోబల్ ప్లాట్ ఫామ్ లపై మార్కెట్ చేసుకోవటంలో ఇబ్బందులు పడుతున్నారని.. దీన్ని అధిగమించేందుకు ఈ ప్లాట్ ఫామ్ తయారు చేశామని భారత వృద్ధి కార్యకలాపాలు సారథి శ్రీనాథ్ రెడ్డి అన్నారు.
ఇదీ చదవండి: JioPhone Next: రూ.500కే జియో స్మార్ట్ఫోన్?
