బ్యాంకులకు వేలకోట్ల రుణాలు ఎగ్గొట్టి విదేశాలకు పారిపోయిన వ్యాపారవేత్తలు విజయ్ మాల్యా, నీరవ్ మోదీ, మెహుల్ చోక్సీలు భారత్కు తిరిగి వస్తారని, చట్టాన్ని ఎదుర్కోక తప్పదన్నారు కేంద్ర ఆర్థిక మంత్రి నిర్మలా సీతారామన్.
బ్రిటన్లో తలదాచుకుంటున్న మాల్యా, నీరవ్లను రప్పించేందుకు ప్రభుత్వం ఇప్పటికే చర్యలు చేపట్టినట్లు తెలిపారు నిర్మల.
చోక్సీ అర్జెంటీనాలో ఉంటున్నట్లు భావిస్తున్నారు.
రాజ్యసభలో బీమా చట్ట సవరణ బిల్లుపై చర్చ సందర్భంగా ఈ విషయం వెల్లడించారు ఆర్థిక మంత్రి.
భారత్లోని బ్యాంకులకు రూ.9వేల కోట్లు ఎగ్గొట్టి యూకేకు పారిపోయారు మాల్యా. 2016, మార్చి నుంచి అక్కడే ఉంటున్నారు. అలాగే.. పంజాబ్ నేషనల్ బ్యాంకుకు రూ.14,500 కోట్లు ఎగ్గొట్టి నీరవ్ మోదీ, మెహుల్ చోక్సీలు దేశం దాటారు.
ఇదీ చూడండి: రిలయన్స్-ఫ్యూచర్ ఒప్పందానికి దిల్లీ హైకోర్టు బ్రేకులు
