KTM 250 Adventure 2022: ఆకట్టుకునే డిజైన్లతో కుర్రకారులో ప్రత్యేక స్థానం సంపాదించుకున్న ప్రీమియం మోటార్సైకిల్ సంస్థ కేటీఎం మరో కొత్త మోడల్ను మార్కెట్లోకి విడుదల చేసింది. కేటీఎం 250 అడ్వెంచర్ బైక్ 2022 ఎడిషన్ను అందుబాటులోకి తెచ్చింది. దేశవ్యాప్తంగా ఈ బైక్కు బుకింగ్స్ కూడా బుధవారమే ప్రారంభమయ్యాయి. 248 సీసీ ఉన్న ఈ టూవీలర్ ధర రూ. 2.35 లక్షలు (దిల్లీలో ఎక్స్షోరూం ధర).
- ఈ కేటీఎం 250 అడ్వెంచర్.. రోజువారీ అవసరాలకు, లాంగ్డ్రైవ్లకు కూడా అనుగుణంగా ఉంటుందన్నారు సంస్థ ప్రతినిధులు.
- కేటీఎం 390 అడ్వెంచర్తో పోలిస్తే తేలిగ్గా ఉండే ఈ బైక్లో 14.5 లీటర్ల సామర్థ్యం గల పెట్రోల్ ట్యాంక్ను ఏర్పాటు చేశారు.
- బైకర్లను ఆకట్టుకునే విధంగా 248 సీసీ సామర్థ్యం గల ఈ బైక్.. 30పీఎస్ (హార్స్పవర్), 24 న్యూటన్ మీటర్ టార్క్తో నడిచేలా తీర్చిదిద్దారు.
- డ్యూయర్ ఛానల్ యాంటీ లాక్ బ్రేకింగ్ సిస్టమ్తో పాటు 170 ఎంఎం యూఎస్డీ ఫోర్క్స్, 177 ఎంఎం రేర్ సస్పెన్షన్ను ఏర్పాటు చేశారు.
- కేటీఎం 450 ర్యాలీ మోడల్ ఆధారంగా ఈ బైక్ను తయారుచేసినట్లు సంస్థ ప్రతినిధులు వెల్లడించారు.
- ఈ బైక్ ప్రస్తుతం ఎలక్ట్రానిక్ ఆరెంజ్, రేసింగ్ బ్లూ రంగుల్లో అందుబాటులో ఉంది.రేసింగ్ బ్లూలో కేటీఎం 250 అడ్వెంచర్
ఎలక్ట్రానిక్ ఆరెంజ్లో కేటీఎం 250 అడ్వెంచర్
2012లో భారత్లోకి అడుగుపెట్టిన కేటీఎం ఇప్పటివరకు 3.1 లక్షల బైక్స్ను విక్రయించింది.
ఇదీ చూడండి : 'ఉత్పాదకత వృద్ధికి సాంకేతికత'
