Kia Carens India: అతితక్కువ కాలంలోనే భారత్లో మంచి మార్కెట్ సంపాదించిన దక్షిణకొరియా ఆటోమొబైల్ సంస్థ కియా. ఇప్పటికే సెల్టోస్, సొనెట్, కార్నివల్ను మార్కెట్లలోకి అందుబాటులోకి తెచ్చిన ఈ సంస్థ తాజాగా మరో కొత్త మోడల్ను పరిచయం చేసింది. రీక్రియేషనల్ వెహికిల్ (ఆర్వీ) మోడల్గా సంస్థ పేర్కొంటున్న ఈ సరికొత్త 'కారెన్స్'.. వచ్చే ఏడాది మొదటి త్రైమాసికంలో మార్కెట్లో అందుబాటులోకి రానుంది.
బోల్డ్ డిజైన్, హైటెక్ ఫీచర్లు, ఇండస్ట్రీ లీడింగ్ సేఫ్టీ సిస్టమ్స్తో రూపొందించిన ఈ కియా కారెన్స్.. ఫ్యామిలీ వెహికిల్స్లో ప్రత్యేక స్థానం నెలకొల్పుతుందని ధీమా వ్యక్తం చేశారు ఆ సంస్థ సీఈఓ హో సుంగ్ సాంగ్. ఈ త్రీ రో సీటర్ కారులో.. ఎస్యూవీ-ఎంపీవీ మోడళ్ల వల్ల ఉండే లాభాలు ఉంటాయన్నారు.
ఈ కారు పెట్రోల్, డీజిల్ రెండు వేరింయట్లలోనూ లభించనుంది. 7 స్పీడ్ డ్యుయల్ క్లచ్ ట్రాన్స్మిషన్, 6 స్పీడ్ ఆటో ట్రాన్స్మిషన్లలో అందుబాటులోకి రానుంది.
సేఫ్టీ ఫీచర్లలో భాగంగా ఈ కారులో.. ఆరు ఎయిర్బ్యాగ్స్, ఎలక్ట్రానిక్ స్టెబిలిటీ కంట్రోల్ (ఈఎస్సీ), వెహికిల్ స్టెబిలిటీ మేనేజ్మెంట్ (వీఎస్ఎం), హిల్ అసిస్ట్ కంట్రోల్ (హెచ్ఓసీ), డౌన్హిల్ బ్రేక్ కంట్రోల్ (డీబీసీ)తో ఆల్వీల్ డిస్క్ బ్రేక్స్ ఉంటాయి.
ఇంపీరియల్ బ్లూ, మోస్ బ్రౌన్, ఇంటెన్స్ రెడ్, అరోరా బ్లాక్ పెర్ల్, స్పార్కింగ్ సిల్వర్, గ్రావిటీ గ్రే, గ్లేసియర్ వైట్ పెర్ల్ రంగుల్లో అందుబాటులోకి వస్తుంది.
ఇదీ చూడండి : ఆన్లైన్ ట్రాన్సాక్షన్ ఛార్జీల రీఫండ్- కేంద్రం కీలక నిర్ణయం
