ప్రముఖ ఈ కామర్స్ కంపెనీ 'అమెజాన్' (amazon) వ్యవస్థాపకుడు జెఫ్ బెజోస్(jeff bezos) సీఈఓ పదవి నుంచి తప్పుకునే తేదీ ఖరారైంది. ఈ విషయాన్ని స్వయంగా ప్రకటించిన బెజోస్.. అమెజాన్ క్లౌడ్ కంప్యూటింగ్ అధిపతిగా ఉన్న ఆండీ జాస్సీ(andy jassy) జులై 5న సీఈఓ పదవిని చేపట్టనున్నట్లు తెలిపారు.
బుధవారం అమెజాన్(amazon) వాటాదారుల సమావేశం జరిగింది. 1994లో సంస్థను స్థాపించిన జులై 5 తనకు సెంటిమెంట్ అని అందుకే ఆ తేదీని ఎంచుకున్నట్లు బెజోస్(jeff bezos) వెల్లడించారు. సీఈఓ పదవి నుంచి బెజోస్ తప్పుకోనునున్నట్లు ఈ ఏడాది ఫిబ్రవరిలోనే అమెజాన్ కార్పొరేషన్ ప్రకటించింది.
ఎగ్జిక్యూటివ్ ఛైర్పర్సన్గా కొనసాగింపు..
పదవి నుంచి వైదొలిగినప్పటికీ.. అమెజాన్ ఎగ్జిక్యూటివ్ ఛైర్పర్సన్గా బెజోస్ కొనసాగుతారు. నూతన ఉత్పత్తులు సహా.. అంతరిక్ష సంస్థ 'బ్లూ ఆరిజిన్', ప్రముఖ వార్తాపత్రిక ది వాషింగ్టన్ పోస్ట్ వంటి ఇతర వ్యాపారాలపైనా దృష్టి సారించనున్నారు.
ఇప్పటికే వీడియో స్ట్రీమింగ్ సేవలను మరింత మెరుగుపరిచేందుకు.. 8.45 బిలియన్ డాలర్లతో ప్రఖ్యాత హాలీవుడ్ స్టూడియో ఎంజీఎంను(MGM STUDIOS) కొనుగోలు చేయనున్నట్లు అమెజాన్ ప్రకటించింది.
ఇవీ చదవండి: అమెజాన్ ప్రైమ్ నెలవారీ ప్లాన్, ఫ్రీ ట్రయల్‌ లేనట్లే!
