కరోనా నివారణకు నాజల్ స్ప్రేని(nasal spray for covid prevention) అభివృద్ధి చేస్తున్నట్లు దేశీయ కార్పొరేట్ దిగ్గజం ఐటీసీ ప్రకటించింది. స్ప్రే కోసం క్లినికల్ ట్రయల్స్ ప్రారంభించినట్లు పేర్కొంది. బెంగుళూరులోని ఐటీసీకి(itc news latest) చెందిన లైఫ్ సైన్స్స్ అండ్ టెక్నాలజీ సెంటర్(ఎల్ఎస్టీసీ) శాస్త్రవేత్తలు రూపొందించారు. ముక్కులోకి ప్రవేశించే ప్రదేశంలో వైరస్‌ను అడ్డుకునేలా ఈ స్ప్రేను తయారు చేశారు. అన్ని సజావుగా జరిగితే.. అనుమతులు పొందిన తర్వాత దీనిని 'సావ్లాన్ బ్రాండ్' పేరుతో మార్కెట్లోకి విడుదల చేయాలని కంపెనీ యోచిస్తున్నట్లు విశ్వసనీయ వర్గాలు తెలిపాయి.
క్లినికల్ ట్రయల్స్ కోసం నైతిక కమిటీల నుంచి అనుమతులు పొందినట్లు వెల్లడించాయి. ఈ మేరకు క్లినికల్ ట్రయల్ రిజిస్ట్రీ-ఇండియాలో(సీటీఆర్ఐ) నమోదైనట్లు సంబంధిత వర్గాలు పేర్కొన్నాయి. అయితే క్లినికల్ ట్రయల్ ఎక్కడ జరుగుతున్నాయి? ఆమోదం తర్వాత ఉత్పత్తి ఎక్కడ చేస్తారు? అన్న విషయాలపై ఇంకా స్పష్టత ఇవ్వలేదు. ప్రస్తుతం క్లినికల్ ట్రయల్స్ జరుగుతున్న నేపథ్యంలో పూర్తి వివరాలు చెప్పలేమని సంస్థ ప్రతినిధి ఒకరు పేర్కొన్నారు.
కొవిడ్-19 వ్యాప్తిని నివారించడంలో ఈ స్ప్రే సమర్థంగా పని చేస్తుందని తెలిపారు. అయితే స్ప్రేతో పాటు ఇతర కొవిడ్ నిబంధనలు కూడా పాటించాలన్నారు.
ఇదీ చూడండి: శాంసంగ్ ఇండియాలో భారీగా ఉద్యోగ అవకాశాలు!
