India GDP Growth rate 2021-22: భారత ఆర్థిక వ్యవస్థ 2021-22లో 9.2 శాతం వృద్ధి చెందొచ్చని కేంద్రం అంచనా వేసింది. ప్రధానంగా వ్యవసాయం, గనులు తయారీ రంగాలు మెరుగైన పనితీరును కనపరుస్తుండడం కారణంగా అంచనాను పెంచినట్లు జాతీయ గణాంక కార్యాలయం ప్రకటించింది. కరోనా కారణంగా 2020-21 ఆర్థిక సంవత్సరంలో జీడీపీ 7.3శాతం క్షీణించగా, ఈ సారి మాత్రం వృద్ధి నమోదవుతుందని తెలిపింది.
2021-22లో జాతీయ ఆదాయంపై గణాంక కార్యాలయం తొలి ముందస్తు అంచనాలు విడుదల చేసింది. ప్రస్తుత వృద్ధి రేటు అంచనా కొవిడ్కు ముందు ఉన్న దాని కంటే ఎక్కువ కావడం గమనార్హం.
గతేడాది రూ.124.53 లక్షల కోట్లుగా ఉన్న జీవీఏ ఈ ఏడాది రూ.135.22 లక్షల కోట్లకు చేరినట్లు కేంద్రం పేర్కొంది. ఏడాది చివరకు కొవిడ్కు ముందున్న రూ.145.69 లక్షల కోట్ల మార్కును కూడా అధిగమిస్తుందని తెలిపింది. దీని ప్రకారం వృద్ధి సుమారు 8.6 శాతం పెరిగినట్లు అంచనా వేసింది.
కరోనా మహమ్మారి వ్యాప్తి మార్చి 2020లో భారత్లో ప్రారంభమైంది. ఫలితంగా అదే నెల 25 నుంచి దేశవ్యాప్తంగా లాక్‌డౌన్ విధించారు. దీంతో 2020-21 ఆర్థిక సంవత్సరంలో వృద్ధిపై భారీగా దెబ్బపడింది. 2020-21లో జీడీపీ 7.3 శాతం క్షీణించింది.
ఇదీ చూడండి: క్విక్‌ కామర్స్‌లోకి రిలయన్స్‌ ఎంట్రీ- డుంజోలో 25.8% వాటా సొంతం
