రెండో దశ కరోనా(Corona Virus) ఉద్ధృతి క్రమంగా తగ్గుతున్న వేళ భారతీయ స్టేట్ బ్యాంక్ రూపొందించిన నివేదిక ప్రమాద ఘంటికలు మోగిస్తోంది. ఈ ఏడాది ఆగస్టు నుంచే మూడో దశ వ్యాప్తి(Third wave) ప్రారంభమయ్యే అవకాశం ఉందని హెచ్చరిస్తోంది.
'కొవిడ్-19: ది రేస్ టు ఫినిషింగ్ లైన్' పేరిట ఎస్బీఐ రీసెర్చ్ ఈ నివేదికను రూపొందించింది. మే 7న భారత్.. రెండో దశ తీవ్ర స్థితికి చేరిందని తెలిపింది. ఈ గణాంకాలను బట్టి జులై రెండో వారంలో సుమారు రోజుకు పదివేల కేసులు వెలుగులోకి వచ్చే అవకాశం ఉందని అంచనా వేసింది. ఆగస్టు రెండో అర్ధభాగంలో కేసులు పెరుగుతాయని పేర్కొంది.
నివేదికలో ఇంకేముందంటే..
- ప్రపంచవ్యాప్త గణాంకాల ప్రకారం.. రెండో వేవ్తో పోలిస్తే మూడో దశలో కేసులు సగటున 1.7 రెట్లు అధికంగా ఉంటున్నాయి.
- కానీ, దేశంలో గత పోగడలను గమనిస్తే ఆగస్టు రెండో అర్ధభాగం నుంచే కేసులు పెరిగే అవకాశం ఉంది. నెల రోజుల తర్వాత కేసుల సంఖ్య తీవ్ర స్థాయికి చేరవచ్చు.
- భారత్.. రోజుకు 40 కోట్లకు పైగా టీకా డోసులను పంపిణీ చేస్తోంది. మొత్తంగా 4.6 శాతం జనాభాకు వ్యాక్సినేషన్ పూర్తైంది. 20.8 శాతం మంది ఒక డోసు తీసుకున్నారు. అయితే, యూఎస్, యూకే, ఇజ్రాయెల్, స్పెయిన్, ఫ్రాన్స్ వంటి దేశాలతో పోలిస్తే వ్యాక్సినేషన్ చాలా తక్కువగా ఉంది.
ఇవీ చదవండి:
