ఆ దేశంలో అధికారిక కరెన్సీగా బిట్​కాయిన్

బిట్​కాయిన్ (Bitcoin news) వినియోగాన్ని కొన్ని కంపెనీలు మాత్రమే ఇప్పటి వరకు అధికారికం చేశాయి. కానీ.. తొలిసారి ఓ దేశం బిట్​కాయిన్ వినియోగాన్ని అధికారికం (first country bitcoin legal tender) చేస్తూ సంచలన నిర్ణయం తీసుకుంది. ఇంతకీ ఆ దేశం ఏది? ఈ నిర్ణయంతో అక్కడి ప్రజల్లో ఎలాంటి అభిప్రాయాలు వ్యక్తమవుతున్నాయి?

సెంట్రల్​ అమెరికా దేశమైన ఎల్​ సాల్వడార్ (El Salvador Bitcoin)​ సంచలన నిర్ణయం తీసుకుంది. ప్రముఖ క్రిప్టో కరెన్సీ బిట్​కాయిన్​ (Bitcoin news)) వినియోగాన్ని తమ దేశంలో అధికారికం చేసినట్లు ప్రకటించింది. ఎల్​ సాల్వడార్ అధ్యక్షుడు నయిబ్​ బుకేలే ఈ విషయాన్ని ట్విట్టర్​ ద్వారా వెల్లడించారు.

• 3 minutos para hacer historia.
  
  In 3 minutes, we make history.#BitcoinDay #BTC🇸🇻

  — Nayib Bukele 🇸🇻 (@nayibbukele) September 7, 2021 " class="align-text-top noRightClick twitterSection" data="

  3 minutos para hacer historia.
  
  In 3 minutes, we make history.#BitcoinDay #BTC🇸🇻

  — Nayib Bukele 🇸🇻 (@nayibbukele) September 7, 2021

  ">

  3 minutos para hacer historia.
  
  In 3 minutes, we make history.#BitcoinDay #BTC🇸🇻

  — Nayib Bukele 🇸🇻 (@nayibbukele) September 7, 2021

అంతకు ముందు ఆ దేశ ప్రభుత్వం అధికారికంగా రెండు దశల్లో.. 400 బిట్​కాయిన్లు కొనుగోలు చేసినట్లు ప్రకటించింది. వీటి విలువ 20 మిలియన్ డాలర్లపైమాటే.

క్రిప్టోకరెన్సీలపై ప్రపంచవ్యాప్తంగా వివిధ భిన్నాభిప్రాయాలు వ్యక్తమవుతున్న వేళ.. ఓ దేశం ఇలాంటి నిర్ణయం తీసుకోవడం విశేషం.

ఈ నిర్ణయంతో అమెరికా డాలర్​తో పాటు.. ఇప్పుడు బిట్​కాయిన్ కూడా ఆ దేశంలో అధికారికంగా చలామణిలోకి వచ్చింది. దీనితో ఇకపై ఆ దేశ పౌరులు.. పన్నులను బిట్​కాయిన్ ద్వారా చెల్లించొచ్చు. వస్తు, సేవలకు కూడా దీనిని వినియోగించొచ్చు. హోటళ్లు, రెస్టారెంట్లు, ఇతర షాపింగ్​ కాంప్లెక్స్​లు ఇకపై బిట్​కాయిన్ ధరలను కూడా డిస్​ప్లేలో ఉంచాల్సి ఉంటుంది.

చట్ట సభల్లో ఆమోదం తర్వాతే..

ఎల్​ సాల్వడార్​ కాంగ్రెస్​లో జులైలోనే దీనికి సంబంధించిన బిల్లు ప్రవేశపెట్టారు. మొత్తం 84 మంది సభ్యుల్లో 64 మంది బిల్లుకు మద్దతు తెలిపారు. దీనితో బిట్​కాయిన్​ను అధికారికం చేసే ప్రక్రియకు మార్గం సుగమమైంది.

వారికి మేలు..

ప్రభుత్వం తీసుకున్న ఈ నిర్ణయంతో విదేశాల్లో ఉంటున్న ఆ దేశ పౌరులు తమ వాళ్లకు డబ్బులు పంపించడం సులభతరమవుతుందన్న అభిప్రాయాలు స్థానికంగా వ్యక్తమవుతున్నాయి. ఈ నిర్ణయం మరింత మందికి ఆర్థిక సేవలను దగ్గర చేసేందుకు ఉపయోగపడుతుందని పలువురు అభిప్రాయపడుతున్నారు.

ఈ నిర్ణయం హాని చేయొచ్చు..

అయితే ప్రస్తుతం ఆ దేశంలోని 70 శాతం మందికి బ్యాంక్ ఖాతాలు లేవని.. ఇలాంటి పరిస్థితుల్లో అధిక అస్థిరతలు ఉండే బిట్​కాయిన్​ వంటి వాటి వల్ల ఆ దేశ ఆర్థిక వ్యవస్థకు హాని జరగొచ్చని కూడా విశ్లేషకులు చెబుతున్నారు.

ఈ ఏడాది ఏప్రిల్​లో రికార్డు స్థాయి అయిన 60 వేల డాలర్ల పైకి చేరిన బిట్​కాయిన్​ విలువ(Bitcoin value).. ఆ తర్వాత సగానికి పైగా పతనమైంది. ప్రస్తుతం మళ్లీ 51 వేల డాలర్ల వద్ద కొనసాగుతోంది. ఈ అంశాన్ని ఆధారంగా చేసుకుని పలు ఆర్థిక సంస్థలు హెచ్చరికలు కూడా చేస్తున్నాయి.

ఇదీ చదవండి: Bitcoin: పాస్‌వర్డ్‌ చెప్పకుండా చనిపోతే..?