దేశవ్యాప్తంగా 7 ప్రధాన నగరాల్లో 2020 చివరి త్రైమాసికంలో (అక్టోబర్-డిసెంబర్) 1,10,811 ఇళ్ల విక్రయాలు నమోదయ్యాయి. 2019 ఇదే సమయంతో పోలిస్తే ఈ మొత్తం 25 శాతం ఎక్కువని.. డేటా అనలైటిక్ సంస్థ ప్రాప్ఈక్విటీ నివేదిక ద్వారా వెల్లడైంది. 2019 చివరి త్రైమాసికంలో 88,976 గృహ విక్రయాలు నమోదైనట్లు తెలిసింది.
కరోనా కారణంగా 2, 3 త్రైమాసికాల్లో ఇళ్ల విక్రయాలు భారీగా పడిపోయినా.. పండుగ సీజన్ జోరుతో చివరి త్రైమాసికంలో మాత్రం 78 శాతం వృద్ధి (క్యూ3తో పోలిస్తే) నమోదైనట్లు నివేదిక వివరించింది ప్రాప్ఈక్విటీ. 2020 క్యూ3లో 62,197 యూనిట్లు మాత్రమే అమ్ముడైనట్లు పేర్కొంది.
పూర్తి ఏడాది పరంగా..
2019(3,41,466 యూనిట్లు)తో పోలిస్తే 2020లో ఇళ్ల విక్రయాలు 16 శాతం తగ్గి.. 2,86,951 యూనిట్లకు పరిమితమైనట్లు నివేదిక తెలిపింది. కరోనా నేపథ్యలో విధించిన లాక్డౌన్లో డిమండ్ భారీగా పడిపోవడం ఇందుకు ప్రధాన కారణంగా వివరించింది.
ఇదీ చూడండి:అన్ని సందేహాలకు సమాధానమిస్తాం: వాట్సాప్
