ఫిబ్రవరి నెలలో రూ.1.05 లక్షల కోట్ల వస్తు, సేవల పన్ను (జీఎస్టీ) వసూలు అయినట్లు కేంద్రం తెలిపింది. గత ఏడాది ఇదే నెలతో పోలిస్తే జీఎస్టీ రాబడి 8 శాతం పెరిగినట్లు పేర్కొంది. అయితే ఈ ఏడాది జనవరి రాబడి (1.10 లక్షల కోట్లు) కంటే ఐదువేల కోట్లు తగ్గినట్లు వెల్లడించింది.
ఫిబ్రవరి నెలలో వసూలు చేసిన స్థూల జీఎస్టీ ఆదాయం రూ.1,05,366 కోట్లు ఉంటే... ఇందులో సీజీఎస్టీ రూ.20,569 కోట్లు, ఎస్జీఎస్టీ రూ.27,348 కోట్లు, ఐజీఎస్టీ రూ.48,503 కోట్లు ఉన్నట్లు ఆర్థిక శాఖ తెలిపింది. అలాగే ఫిబ్రవరి నెలలో ప్రజల కొనుగోలు లావాదేవీలు 12 శాతం పెరిగినట్లు వివరించింది.
ఇదీ చూడండి: ఎస్బీఐ కార్డు ఐపీఓ రేపే ప్రారంభం.. విశేషాలివే
