'కేంద్రం నిర్ణయంతో డీటీహెచ్​ పరిశ్రమకు మేలు'

డీటీహెచ్ ఆపరేటర్ల లైసెన్సులు తిరిగి పొడిగించే విషయంలో కేంద్ర ప్రభుత్వం తాజాగా తీసుకొన్న నిర్ణయం పట్ల సంతోషం వ్యక్తం చేసింది టాటా స్కై. ఈ నిర్ణయంతో డీటీహెచ్​ పరిశ్రమ వర్గాలకు మేలు జరగనుందని అభిప్రాయపడింది.

20ఏళ్ల పాటు డీటీహెచ్ ఆపరేటర్ల లైసెన్సులు తిరిగి పొడిగించాలని కేంద్రం తీసుకున్న నిర్ణయాన్ని స్వాగతించింది ప్రముఖ డీటీహెచ్​ సంస్థ టాటా స్కై. ఈ నిర్ణయం డీటీహెచ్​ పరిశ్రమకు మరింత చేయూతనందించే విధంగా ఉందని అభిప్రాయపడింది.

దేశంలో డీటీహెచ్​ సేవలను అందించేందుకుగా రూపొందించిన మార్గదర్శకాలకు కేంద్ర మంత్రివర్గం​ ఆమోదం తెలిపింది. తాజా నిర్ణయంతో దేశవ్యాప్తంగా సేవలు అందిస్తోన్న పలు కంపెనీలకు 20 ఏళ్ల పాటు లైసెన్సులను పొడిగించున్నారు. ఇప్పటివరకు అది పది సంవత్సరాల వరకు మాత్రమే ఉండేది.

"ముందుగా సమాచార, ప్రసార మంత్రిత్వ శాఖ మంత్రి ప్రకాశ్​ జావడేకర్​క కృతజ్ఞతలు. డీటీహెచ్​ లైసెన్స్​ విధానంలో దీర్ఘకాలంగా ఉన్న ప్రతిష్టంభనకు తెరదించారు. ఈ నిర్ణయంతో డీటీహెచ్​ రంగంలో ఉన్న కంపెనీలు లాభపడనున్నాయి."

-హరిత్ నాగ్‌పాల్, టాటా స్కై మేనేజింగ్ డైరెక్టర్