కొద్దిరోజులుగా స్టాక్ మార్కెట్లు తీవ్ర అస్థిరతకు గురవుతున్నాయి. కరోనా భయాలే మార్కెట్ల ఒడుదొడుకులకు కారణమని కేంద్ర ఆర్థిక మంత్రి నిర్మలా సీతారామన్ తెలిపారు. ప్రభుత్వం, ఆర్బీఐ.. మార్కెట్లను నిశితంగా పరిశీలిస్తున్నాయని పేర్కొన్నారు.
పుంజుకున్న స్టాక్ మార్కెట్లు..
నిన్నటి సెషన్లో పేకమేడలా కుప్పకూలిన స్టాక్ మార్కెట్లు నేడు మళ్లీ లాభాల బాటపట్టాయి. సెన్సెక్స్ 1325 పాయింట్లు పెరిగింది. నిఫ్టీ 365 పాయింట్ల వృద్ధితో ట్రేడింగ్ ముగించింది.
సెషన్ ప్రారంభంలో స్టాక్ మార్కెట్లు అతిపెద్ద ఇంట్రా డే నష్టాలను చవిచూశాయి. కేవలం 20 నిమిషాల్లోనే బీఎస్ఈ మదుపరుల సంపద సుమారు రూ.12 లక్షల కోట్లు ఆవిరయ్యాయి.
12 ఏళ్ల తర్వాత తొలిసారి..
కరోనా భయంతో ఈ రోజు సెషన్ ప్రారంభంలో సెన్సెక్స్, నిఫ్టీ 10 శాతానికి పైగా నష్టపోయాయి. ఈ కారణంగా ట్రేడింగ్ను 45 నిమిషాల పాటు నిలిపివేశారు. 2008 జనవరి తర్వాత ట్రేడింగ్ను ఇలా నిలిపివేయడం ఇదే తొలిసారి.
ఇదీ చదవండి: కరోనా ఎఫెక్ట్: నష్టాల బాటలో విమానయాన రంగం
