స్వల్పంగా తగ్గిన పసిడి ధర

దేశీయంగా బంగారం ధర కాస్త తగ్గింది. దిల్లీలో 10 గ్రాముల మేలిమి పుత్తడి ధర రూ.20 దిగొచ్చింది. కిలో వెండి ధర రూ.400 పైగా క్షీణించింది.

బంగారం ధర శుక్రవారం స్వల్పంగా తగ్గుదల నమోదు చేసింది. దిల్లీలో 10గ్రాముల స్వచ్ఛమైన పసిడి ధర రూ.20 తగ్గి.. రూ.49,678కు చేరింది.

వెండి ధర భారీగా రూ.404 క్షీణించి.. కిలో వెండి రూ.67,520కు దిగొచ్చింది.

అంతర్జాతీయ మార్కెట్​లోనూ పుత్తడి ధర పడిపోయింది. ఔన్సు బంగారం 1,895 డాలర్లు పలకగా.. ఔన్సు వెండి ధర 26.34 డాలర్లకు చేరింది.

"అంతర్జాతీయంగా బంగారం ధరలు తగ్గడం వల్లే దేశీయంగానూ పసిడి ధరలు తగ్గాయి" అని విశ్లేషకులు చెబుతున్నారు.

ఇదీ చూడండి: తొలి రోజే లాభాల పంట- నిఫ్టీ 14వేల ప్లస్​