కరెంటు ఖాతా లోటుపై నేరుగా ప్రభావం చూపే బంగారం దిగుమతులు ఏప్రిల్లో 6.3 బిలియన్ డాలర్ల మేర పెరిగాయి. దేశీయంగా గిరాకీ పుంజుకోవడమే దిగుమతులకు ప్రధాన కారణమని కేంద్ర వాణిజ్య శాఖ తెలిపింది.
పసిడి దిగుమతులు పెరిగినప్పటికీ.. వెండి దిగుమతులు 88.53 శాతం తగ్గి.. 11.9 మిలియన్ డాలర్లుగా నమోదైంది. గతేడాది ఏప్రిల్ నెలలో బంగారం ఎగుమతులు 2.83 మిలియన్ డాలర్లుగా ఉన్నాయి.
గతేడాది 6.76 బిలియన్ డాలర్లుగా ఉన్న వాణిజ్యలోటు బంగారం దిగుమతుల పెరుగుదలతో ఈ ఏడాది ఏప్రిల్కి 15.1 బిలియన్ డాలర్లకు చేరింది. దేశీయంగా పుత్తడికి పెరుగుతున్న డిమాండ్ కారణంగా దిగుమతులు పెరుగుతున్నాయని నిపుణులు తెలిపారు. అయితే కరోనా రెండో దశ ప్రభావం వీటిపై కూడా పడిందని చెప్పారు. స్థానికంగా విధించిన లాక్డౌన్లతో బంగారం కొనుగోళ్లు మునుపటితో పోల్చితే తగ్గాయని వివరించారు.
ఇదీ చూడండి: అమెజాన్ ప్రైమ్ నెలవారీ ప్లాన్, ఫ్రీ ట్రయల్‌ లేనట్లే!
