జాతీయ రహదారులపై టోల్ ప్లాజాల్లో రాయితీలు పొందడానికి ఫాస్టాగ్ తప్పనిసరి అని కేంద్ర ప్రభుత్వం స్పష్టం చేసింది. ఈ మేరకు గెజిట్ నోటిఫికేషన్ విడుదల చేసింది కేంద్ర రోడ్డు రవాణా, జాతీయ రహదారుల మంత్రిత్వ శాఖ.
"టోల్ ప్లాజాల్లో తిరుగు ప్రయాణంపై రాయితీ, ఇతర మినహాయింపులు పొందాలంటే ఫాస్టాగ్ తప్పనిసరి. 24 గంటల్లోపు తిరిగి వచ్చేవారు, స్థానికులు కోరే మినహాయింపులు.. చెల్లుబాటు అయ్యే ఫాస్టాగ్ ఉన్నవారికే వర్తిస్తాయి. టోల్ప్లాజాల్లో డిజిటల్ లావాదేవీలను ప్రోత్సహించేందుకు ఈ నిర్ణయం తీసుకున్నాం."
- కేంద్ర రోడ్డు రవాణా, జాతీయ రహదారుల మంత్రిత్వ శాఖ
ఇందుకు సంబంధించి జాతీయ రహదారుల రుసుము నిబంధనలు-2008లో నిబంధనలు చేసినట్లు రవాణా శాఖ వెల్లడించింది. తిరుగు ప్రయాణంపై రాయితీ పొందేవారు ఎలాంటి పాసులు చూపించనక్కరలేదని, ఆటోమేటిక్గా రాయితీ అందుతుందని తెలిపింది.
ఫాస్టాగ్..
వాహనదారులకు ట్రాఫిక్, నగదు సమస్యల వంటి ఇబ్బందులు లేకుండా ఉండేందుకు నేషనల్‌ ఎలక్ట్రానిక్‌ టోల్ కలెక్షన్‌ (ఎన్‌ఈటీసీ) కార్యక్రమానికి నేషనల్‌ పేమెంట్స్‌ కార్పొరేషన్‌ ఆఫ్‌ ఇండియా (ఎన్‌పీసీఐ) శ్రీకారం చుట్టింది. ఇందులో భాగంగా 2014లో పైలట్‌ ప్రాజెక్టుగా ఫాస్టాగ్‌ను ప్రారంభించారు. డిసెంబర్ 15 నుంచి తప్పనిసరి చేసింది కేంద్రం.
ఇదీ చూడండి: భర్త సొమ్ముపై మొదటి భార్యకే అర్హత: హైకోర్టు
