కేంద్రం భవిష్యనిధి చెల్లింపులు రూ. 14 వేల 310కోట్లు

కరోనా సంక్షోభం కారణంగా డిసెంబర్​ 31 వరకు 56 లక్షల ఉద్యోగులకు కేంద్రం భవిష్య నిధి చెల్లింపులను చేసింది. మార్చిలో కేంద్రం ప్రారంభించిన నూతన పథకం కింద ఉద్యోగులకు రూ.14వేల 310కోట్లను ఈపీఎఫ్​ఓ సంస్థ ముట్టజెప్పింది.

మార్చి- ‍డిసెంబర్‌ మధ్యలో 56లక్షల 79 మంది ఉద్యోగులకు భవిష్య నిధి చెల్లింపులు జరిగాయి. ఈ పథకం కింద ఉద్యోగుల భవిష్యనిధి సంస్ధ (ఈపీఎఫ్​ఓ) ..14వేల 310 కోట్ల రూపాయలను చెల్లించింది. కరోనా సంక్షోభం నేపథ్యంలో గతేడాది మార్చిలో కేంద్రం ప్రారంభించిన కొత్త పథకంలో భాగంగా వీటిని ముట్టజెప్పింది.

కేంద్ర ప్రభుత్వం ఈ పథకం కింద 6కోట్ల మంది ఉద్యోగులు తమ మూడు నెలల మూలవేతనం, కరవు భత్యం పరిమితి దాటకుండా భవిష్యనిధి ఉపసంహరించుకునే అవకాశం కల్పించింది. భవిష్యనిధి మొత్తంలో 75శాతం వరకు ఉపసంహరించుకునే మరో అవకాశం ఇచ్చింది. ప్రైవేటు ఈపీఎఫ్​ సంస్ధలు కొత్త పథకం కింద 4లక్షల 19వేల మంది ఉద్యోగులకు 3వేల 983 కోట్ల రూపాయల భవిష్యనిధిని చెల్లించాయి. ఉద్యోగుల ఆర్థిక పరిష్కారాలు, మరణం, బీమా, అడ్వాన్సుల కోసం ఈపీఎఫ్​ఓ 2020 డిసెంబర్‌ 31 వరకు కోటి 98లక్షల మందికి నగదు చెల్లించింది.

ఇదీ చదవండి:'ఈ రైలు సర్వీసులతో కేవడియా పర్యటకానికి ఫుల్​ జోష్'​