కరోనా సంక్షోభం నేపథ్యంలో తమ చందాదారులు డబ్బులు ముందుగానే ఉపసంహరించుకునే వీలు కల్పించింది ఉద్యోగుల భవిష్య నిధి సంస్థ-ఈపీఎఫ్ఓ. సంక్షోభ పరిస్థితుల్లో ఈ వెసులుబాటు ప్రజలకు ఉపయోగపడుతుందని ఆశాభావం వ్యక్తం చేసింది.
కరోనా తొలి దశలోనూ ఇలాంటి చర్యలు చేపట్టింది ఈపీఎఫ్ఓ. 2020 మార్చిలో ప్రధానమంత్రి గరీబ్ కళ్యాన్ యోజన కింద.. డబ్బులు ముందుగానే విత్డ్రా చేసుకునే వెసులుబాటును కల్పించింది.
వివరాలు ఇలా..
- మూడు నెలల మూలవేతనం, కరవు భత్యం పరిమితి దాటకుండా.. లేదా భవిష్యనిధి మొత్తంలో 75శాతం మించకుండా (రెండింట్లో ఏది తక్కువ అయితే అది).. డబ్బులు విత్డ్రా చేసుకోవచ్చు.
- కరోనా తొలి దశలో ఈ వెసులుబాటును ఉపయోగించుకున్న వారు ఇప్పుడు కూడా తీసుకోవచ్చు.
- తొలి దశలో ఉన్న నిబంధనలు, ప్రక్రియే ఇప్పుడూ ఉంటుంది.
- సంక్షోభ పరిస్థితులను దృష్టిలో పెట్టుకుని, అభ్యర్థన అందిన మూడు రోజుల్లోనే క్లెయిమ్స్ను సెటిల్ చేసే విధంగా ఓ వ్యవస్థను రూపొందించింది ఈపీఎఫ్ఓ. (సాధారణంగా అయితే ఇది 20రోజులు)
ఇప్పటివరకు.. 76.31 లక్షల క్లెయిమ్స్ను మంజూరు చేసి, రూ. 18,698.15కోట్లను అందించింది ఈపీఎఫ్ఓ.
ఇదీ చూడండి:- PF ఖాతాదారులకు అలర్ట్- ఈ రోజే ఆఖరు!
