8.46 కోట్ల మంది రైతులకు రూ.50,850 కోట్లు

పీఎం కిసాన్​ సమ్మాన్​ యోజన కింద ఇప్పటివరకు రూ.50,850 కోట్లు అందించినట్లు కేంద్రం తెలిపింది. పథకం ప్రారంభించి ఏడాది కావస్తున్న నేపథ్యంలో వివరాలు వెల్లడించింది వ్యవసాయ శాఖ.

గత ఏడాది ఫిబ్రవరి 24న కేంద్రం ప్రారంభించిన ప్రధానమంత్రి కిసాన్‌ సమ్మాన్‌ యోజన కింద ఇప్పటి వరకు రూ.50,850 కోట్లను అందించినట్లు కేంద్ర వ్యవసాయ శాఖ వెల్లడించింది. పథకం ప్రారంభించి ఏడాది కావస్తున్న నేపథ్యంలో వివరాలు ప్రకటించింది వ్యవసాయ శాఖ. ఈ పథకం కింద 8.46 కోట్ల రైతు కుటుంబాలకు పెట్టుబడి సాయం అందించినట్లు తెలిపింది.

2018 డిసెంబర్‌ నుంచి వర్తించే విధంగా ఈ పథకాన్ని ప్రారంభించారు ప్రధాని నరేంద్రమోదీ. పెట్టుబడి సాయం కింద రైతులకు ఏటా మూడు విడతల్లో రూ.6వేలను కేంద్ర ప్రభుత్వం అందజేస్తోంది.

ఆరంభంలో చిన్న, సన్నకారు రైతులకు ఈ పథకాన్ని వర్తింపజేయగా.. ఆ తర్వాత అందరు రైతులకు అమలు చేస్తోంది కేంద్రం.

ఇదీ చదవండి: సిరి: వ్యక్తిగత రుణం.. ఇవన్నీ తెలుసుకున్నాకే!