రాష్ట్ర వ్యాపార సంస్కరణల కార్యాచరణ ప్రణాళిక-2019 నివేదికను కేంద్ర ఆర్థికమంత్రి నిర్మలా సీతారామన్ విడుదల చేశారు. ఇందులో సులభతర వాణిజ్య విభాగంలో ఆంధ్రప్రదేశ్కు మొదటి స్థానం దక్కింది. ఉత్తర్ప్రదేశ్, తెలంగాణలు ఆ తర్వాతి స్థానాల్లో నిలిచాయి.
ఆంధ్రప్రదేశ్కు మొదటి స్థానం దక్కడం వరుసగా ఇది రెండోసారి. అయితే ఇలాంటి ర్యాంకింగ్స్ ఇవ్వడం వల్ల రాష్ట్రాల పనితీరు మెరుగుపడుతుందని నిర్మలా సీతారామన్ అభిప్రాయపడ్డారు.
2018తో పోల్చుకుంటే ఏకంగా 10స్థానాలు మెరుగుపరుచుకుని 2వ ర్యాంకుకు చేరుకుంది ఉత్తర్ప్రదేశ్. తెలంగాణ రెండో ర్యాంకు నుంచి మూడుకు పడిపోయింది.
మధ్యప్రదేశ్, ఝార్ఖండ్, ఛత్తీస్గఢ్, హిమాచల్ప్రదేశ్, రాజస్థాన్, బంగాల్, గుజరాత్ రాష్ట్రాలు ఆ తర్వాతి స్థానాలను కైవసం చేసుకున్నాయి. దేశ రాజధాని దిల్లీ 12 ర్యాంకును దక్కించుకుంది.
వీటి ఆధారంగా...
ఈ నివేదికను డీపీఐఐటీ(డిపార్ట్మెంట్ ఫర్ ప్రమోషన్ ఆఫ్ ఇండస్ట్రీ అండ్ ఇంటర్నల్ ట్రేడ్) రూపొందించింది. నిర్మాణ పరిమితులు, కూలీల నియంత్రణ, పర్యావరణానికి సంబంధించిన రిజిస్ట్రేషన్లు, భూమి లభ్యత, ఒకే వేదికపై పూర్తి సమాచారాన్ని అందించే వ్యవస్థ(సింగిల్ విండో సిస్టమన్) ఆధారంగా ఈ ర్యాంకింగ్స్ను విడుదల చేస్తారు.
ఇదీ చూడండి:- కేంద్ర, రాష్ట్రాల అప్పుల్లో భారీ పెరుగుదల
