మార్కెట్ నియంత్రిత సంస్థ సెక్యూరిటీస్ అండ్ ఎక్చ్సేంజి బోర్డ్ ఆఫ్ ఇండియా (సెబీ) ఛైర్మన్ అజయ్ త్యాగి పదవీ కాలాన్ని పొడిగించింది కేంద్రం. 2022 ఫిబ్రవరి వరకు మరో 18 నెలల పాటు సెబీ ఛైర్మన్గా కొనసాగనున్నారు త్యాగి.
ఇందుకు ప్రధానమంత్రి నరేంద్ర మోదీ నేతృత్వంలోని కేబినెట్ నియామకాల కమిటీ ఆమోదం తెలిపింది. ఈ మేరకు కేంద్రం ఆదేశాలు 2020 సెప్టెంబర్ 1 నుంచి 2022, ఫిబ్రవరి 28 వరకు అమలులో ఉండనున్నాయి.
మరోమారు..
1984 బ్యాచ్ హిమాచల్ ప్రదేశ్ కేడర్ ఐఏఎస్ అధికారి త్యాగి.. సెబీ ఛైర్మన్గా 2017 మార్చిలో నియమితులయ్యారు. మూడేళ్ల పదవీ కాలం ముగిసిన నేపథ్యంలో ఇప్పటికే ఈ ఏడాది తొలినాళ్లలో మొదటిసారి ఆగస్టు వరకు పదవీ కాలాన్ని పొడిగించారు. తాజాగా మరోమారు త్యాగినే ఛైర్మన్గా కొనసాగిస్తూ నిర్ణయం తీసుకున్నారు.
ఇద చూడండి: అయోధ్యలో రామమందిర నిర్మాణానికి అంకురార్పణ
