5జీ ఫీల్డ్ ట్రయల్స్లో భారతీ ఎయిర్టెల్ సత్తా చాటింది. ముంబయిలో నిర్వహించిన ప్రయోగాల్లో ఏకంగా 1 జీబీపీఎస్ వేగాన్ని అందుకుంది. నోకియా నెట్వర్క్ గేర్ను ఉపయోగించి ఈ ట్రయల్స్ చేపట్టినట్లు తెలుస్తోంది.
ముంబయి ఫీనిక్స్ మాల్లోని లోవర్ పరేల్లో ఎయిర్టెల్ ఈ 5జీ ట్రయల్స్ను చేపడుతోంది.
"టెలికాం శాఖ మార్గదర్శకాలను అనుసరించి ప్రకారం ఎయిర్టెల్.. 3500 మెగా హెర్జ్ బ్యాండ్లో ఈ ట్రయల్స్ చేపడుతోంది. ట్రయల్స్లో ఇంటర్నెట్ వేగం 1 జీబీపీఎస్ దాటింది. త్వరలో కోల్కతాలోనూ 5జీ ట్రయల్స్ చేపట్టాలని ఎయిర్టెల్, నోకియా సంస్థలు భావిస్తున్నాయి."
-విశ్వసనీయ వర్గాలు
ఎయిర్టెల్కు 3500 మెగా హెర్జ్, 28 గిగా హెర్జ్, 700 మెగా హెర్జ్ బ్యాండ్ల 5జీ స్పెక్ట్రమ్ను టెలికాం శాఖ కేటాయించింది.
తొలిసారి లైవ్ నెట్వర్క్ ద్వారా హైదరాబాద్లో 5జీ టెస్ట్ నిర్వహించింది ఎయిర్టెల్. ఇందుకోసం 1800 మెగా హెర్జ్ బ్యాండ్ను ఉపయోగించింది. ముంబయి, కోల్కతాతో పాటు, దిల్లీ, బెంగళూరు నగరాల్లోనూ 5జీ ట్రయల్స్ నిర్వహించేందుకు ఎయిర్టెల్కు అనుమతులు ఉన్నాయి.
ఇదీ చదవండి: త్రివర్ణ పతాకం, సైన్యం చిహ్నంతో జావా కొత్త బైకులు
