కరోనా వైరస్ వ్యాప్తిని నిరోధించే ప్రయత్నంలో చైనా ఉండగా.. ఆ దేశానికి విమాన సేవలను నిలిపివేతను కొనసాగిస్తూ ఎయిర్ఇండియా నిర్ణయం తీసుకుంది. జూన్ 30 వరకు చైనాకు విమాన సర్వీసులు రద్దు చేస్తున్నట్లు ప్రకటించింది.
"దిల్లీ-షాంఘై, దిల్లీ-హాంకాంగ్ మధ్య జూన్ 30వరకు విమాన సర్వీసులు రద్దు చేస్తున్నాం."
- ఎయిర్ఇండియా అధికార ప్రతినిధి
కరోనా విజృంభణ కారణంగా జనవరి 31 నుంచి చైనాకు విమాన సర్వీసులను రద్దు చేసింది ఎయిర్ఇండియా. ఫిబ్రవరి 15న సేవలు ప్రారంభించాల్సి ఉన్నా.. పొడిగిస్తూ తాజాగా నిర్ణయం తీసుకుంది.
అంతకుముందు ఇండిగో, స్పైస్ జెట్ కూడా భారత్-చైనా సర్వీసులను రద్దు చేశాయి.
