కరోనా సంక్షోభం ముందు కన్నా ఎక్కువగా వర్క్ ఫ్రం హోం చేసేందుకు 74 శాతం మంది భారతీయ ఉద్యోగులు ఆసక్తి చూపుతున్నట్లు ఓ సర్వేలో తెలింది. భారత్తో పాటు ప్రపంచవ్యాప్తంగా వర్క్ ఫ్రం హోం అంశంపై ప్రముఖ కంప్యూటర్ల తయారీ కంపెనీ లెనోవో సర్వే నిర్వహించింది.
సర్వేలో ముఖ్యాంశాలు..
- సర్వేలో పాల్గొన్న 62 శాతం మంది కొత్త టెక్నాలజీలతో తమ ఉద్యోగాలకు ప్రమాదం ఉందని భావిస్తున్నారు.
- భారత్లో 82 శాతం మంది వ్యక్తిగత డేటా రక్షణకు అధిక ప్రాధాన్యం ఇస్తున్నారు.
- కరోనా కన్నా ముందుతో పోలిస్తే ఇప్పుడు ల్యాప్టాప్లు వినియోగించడం గణనీయంగా పెరిగిందని 91 శాతం మంది భారతీయ ఉద్యోగులు చెప్పారు. ప్రపంచ సగటు కన్నా ఇది 85 శాతం ఎక్కువ.
- వర్క్ ఫ్రం హోమ్ చేస్తున్న భారతీయ ఉద్యోగుల్లో 81 శాతం మంది తమ పనిలో సమూల మార్పులు వచ్చినట్లు తెలిపారు. ప్రపంచవ్యాప్తంగా 71 శాతం మంది ఇదే విషయం చెప్పారు.
- కొత్త కొత్త టెక్నాలజీలతో వర్క్ ఫ్రం హోంలో తమ ఉత్పాదకత పెరిగిందని 78 శాతం మంది తెలిపారు. 84 శాతం మంది తమకు టెక్నాలజీపై ఉన్న అవగాహనతో వర్క్ ఫ్రం హోం సులభతరమైందని చెప్పుకొచ్చారు.
- వ్యక్తిగత అవసరాలకు, ఉద్యోగ అవసరాలకు వేర్వేరుగా ల్యాప్టాప్లు/కంప్యూటర్లు ఉండాలని 70 శాతం భారతీయ ఉద్యోగులు భావిస్తున్నారు.
ఇదీ చూడండి:బ్యాంకు ఉద్యోగులకు 15 శాతం వేతనం పెంపు
