దేశంలో దాదాపు 30 శాతం డ్రైవింగ్ లైసెన్స్ నకిలీవేనని కేంద్ర రవాణాశాఖ మంత్రి నితిన్ గడ్కరీ వెల్లడించారు. నాగ్పుర్లో జాతీయ భద్రతా ప్రచారంలో ఆదివారం పాల్గొన్న గడ్కరీ ఈ విషయం వెల్లడించారు.
'బోగస్ లైసెన్స్లు పొందటం ఇప్పుడు చాలా సులభమైంది. డబ్బులివ్వడం ద్వారా ఎవరో ఒకరు ఆర్టీఓ ఆఫీస్ నుంచి డ్రైవింగ్ లైసెన్స్ ఇప్పిస్తున్నారు. ఇప్పుడు ఆధార్తో అనుసంధానంతో నకిలీ లైసెన్స్లకు అడ్డుకట్ట పడుతుంది.' అని పేర్కొన్నారు.
ఫాస్టాగ్‌కు సంబంధించిన గడువును పొడిగించేది లేదని కూడా నితిన్ గడ్కరీ స్పష్టంచేశారు. వాహన యజమానులు వెంటనే ఫాస్టాగ్‌ను తీసుకోవాలని సూచించారు. టోల్‌ప్లాజాల వద్ద ఎలక్ట్రానిక్‌ పద్ధతిలో ఫీజు చెల్లించేందుకు ఉద్దేశించిన ఫాస్టాగ్‌ తప్పనిసరి గడువు ఈ నెల 15తో ముగుస్తున్న నేపథ్యంలో ఈ విషయంపై స్పష్టతనిచ్చారు.
ఇదీ చదవండి:'ఫాస్టాగ్‌ లేకపోతే డబుల్ రుసుం చెల్లించాలి'
