సెక్యూరిటీ, టెక్ సిస్టమ్స్లో ప్రమాదకర బగ్స్ను గుర్తించి డబ్బులు సంపాదించటం అనేది ప్రస్తుతం ఒక కేరీర్గా మారుతోంది. దీని ద్వారా ప్రోత్సాహకాలతో పాటు మంచి గుర్తింపు వస్తుండటమూ ఇందుకు కారణంగా తెలుస్తోంది. సాంకేతిక రంగంలో నిపుణులైనవారు ఈవైపుగా తమ కేరీర్ను మలుచుకునేందుకే మొగ్గుచూపుతున్నారు. అందుకు ఉదాహరణే అదితి సింగ్ అనే యువతి.
సైబర్ సెక్యూరిటీ నిపుణురాలుగా వ్యవహరిస్తున్న అదితి సింగ్.. ఇటీవల మైక్రోసాఫ్ట్ అజూర్ క్లౌడ్ ప్లాట్ఫాంలో బగ్ను కనుగొని.. గుర్తింపు తెచ్చుకున్నారు. రిమోట్ కోడ్ ఎగ్జిక్యూషన్(ఆర్సీఈ) అనే బగ్ను గుర్తించి.. ఆ సంస్థ ఇంజినీర్లకు తెలియజేశారు. కొన్ని రోజుల తర్వాత తన ఫిర్యాదుకు మైక్రోసాఫ్ట్ నుంచి స్పందన వచ్చింది. సింగ్ గుర్తించినది సరైనదేనని తెలియజేశారు ఇంజినీర్లు. బగ్ను గుర్తించినందుకుగానూ ప్రోత్సాహకం కింద 30వేల డాలర్లు(రూ.22 లక్షలు) అందిస్తున్నట్లు తెలిపారు. తాను సాధించిన ఈ విజయాన్ని లింక్డ్ ఇన్ ద్వారా తెలియజేశారు అదితి. పెద్ద ఎత్తున ప్రశంసలు అందుకున్నారు.
బగ్ సమస్య పరిష్కారమైనట్లు అదితి తెలిపారు. ఈ విజయంతో తన కేరీర్లో స్థిరపడిననట్లు అనిపిస్తోందని చెప్పారు. కుమార్తె విజయంపై ఆమె తల్లిదండ్రులూ సంతోషం వ్యక్తం చేశారు.
రెండు నెలల క్రితమే అదితి ఫేస్బుక్లో ఇలాంటి బగ్నే కనుగొని.. సుమారు రూ.5.5 లక్షలు పారితోషికం అందుకోవడం విశేషం.
మెడిసిన్ నుంచి హ్యాకింగ్ వైపు...
అదితి సింగ్ తొలుత ఒక మెడికల్ విద్యార్థిని. అయితే.. కొద్దిరోజులకే తనకు ఇష్టమైన సైన్స్ రంగంలోకి మారారు. బగ్ను గుర్తించే పనిలో నిమగ్నమయ్యారు. ఏడాదిలోపే మైక్రోసాఫ్ట్లో బగ్ గుర్తించి మంచి రివార్డు పొందారు సింగ్. బగ్లను గుర్తించేందుకు సైబర్ సెక్యూరిటీలో నిపుణులు, అత్యంత నైపుణ్యాలు కలిగిన ఐఐటీయన్ కావాల్సిన అవసరం లేదని, సైబర్ సెక్యూరిటీ, ఎథికల్ హ్యాకింగ్ కోర్సుల్లో సర్టిఫికెట్తో పాటు ఇంటర్నెట్పై అవగాహన ఉంటే సరిపోతుందని నమ్ముతానని చెప్పారు సింగ్.
బగ్ గుర్తించిన యువకులు..
మణిపుర్ రాష్ట్రానికి చెందిన 2 ఏళ్ల సివిల్ ఇంజినీర్ జోనెల్ సౌగయ్జమ్.. వాట్సప్లో బగ్ను గుర్తించి ఫేస్బుక్ నుంచి రూ.3.47 లక్షల పారితోషికం పొందాడు. అలాగే.. ఫేస్బుక్ హాల్ ఆఫ్ ఫేమ్-2019లో చోటు దక్కింది.
ఇవీ చూడండి: క్రోమ్ వాడుతున్నారా.. ఈ బగ్తో జాగ్రత్త
