'ముఖ్యమంత్రి కేసీఆర్​ రావడం సంతోషకరం'

శారదాపీఠ ఉత్తరాధికారి సన్యాస స్వీకార మహోత్సవ కార్యక్రమానికి తెలుగు రాష్ట్రాల ముఖ్యమంత్రులు హాజరయ్యారు. సీఎంల రాకపై స్వరూపానంద స్వామి హర్షం వ్యక్తం చేశారు.

విజయవాడ సమీపంలోని శారదాపీఠ ఉత్తరాధికారి సన్యాస స్వీకార మహోత్సవం ఘనంగా జరిగింది. కృష్ణాతీరంలో గణపతి సచ్చిదానంద స్వామి ఆశ్రమంలో ఉత్తరాధికారిగా కిరణ్​కుమార్​ శర్మ దీక్ష స్వీకరించారు. అనంతరం స్వాత్మానందేంద్ర సరస్వతిగా నామకరణం చేశారు. ఈ కార్యక్రమానికి తెలుగు రాష్ట్రాల ముఖ్యమంత్రులు కేసీఆర్​, జగన్​ ముఖ్య అతిథిలుగా హాజరయ్యారు. 2024 నాటికి పీఠాధిపతిగా స్వాత్మానందేంద్రకు పూర్తిగా బాధ్యతలు అప్పగిస్తామని స్వరూపానంద స్వామి తెలిపారు. ఈ కార్యక్రమానికి ఇద్దరు సీఎంలు రావడం సంతోషంగా ఉందని స్వరూపానంద స్వామి అన్నారు.

ఇవీ చూడండి: శారదాపీఠ ఉత్తరాధికారి సన్యాస స్వీకార మహోత్సవం