పార్టీ బలోపేతం చేసుకుందాం..
రాష్ట్రంలో పార్టీ ఉనికి చాటుకోవాలంటే కొన్ని స్థానాల్లోనైనా పోటీ చేయాలని కొందరు పార్టీ సభ్యులు సూచించగా... ఓట్లు చీలకుండా కాంగ్రెస్కు మద్దతు ఇద్దామని మరికొందరు అభిప్రాయపడ్డట్లు సమాచారం. లోక్సభ ఎన్నికల్లో బరిలో దిగడం కంటే రానున్న జడ్పీటీసీ, ఎంపీటీసీ, పురపాలక ఎన్నికల్లో ఉనికిని చాటుకునే విధంగా పార్టీని బలోపేతం చేసుకోవాలనే సూచనలూ వచ్చాయి.
పోటీపై మల్లగుల్లాలు..
పార్లమెంట్ ఎన్నికల్లో కరీంనగర్, నిజామాబాద్, మల్కాజిగిరితో పాటు మరో స్థానంలో పోటీ చేస్తామని కోదండరామ్ ఇప్పటికే ప్రకటించారు. ఈ నాలుగు స్థానాల్లో ఏదో ఒక నియోజకవర్గం నుంచి పోటీ చేయాలనే ప్రతిపాదన రాష్ట్ర కమిటీలో వచ్చింది. మల్కాజిగిరి నుంచి కాంగ్రెస్ అభ్యర్థి రేవంత్రెడ్డి ఇప్పటికే కోదండరామ్ మద్దతు కోరినందున... ఆస్థానంలో పోటీ చేయాలా వద్దా అనే సందిగ్ధంలో పడింది తెజస. కరీంనగర్, నిజామాబాద్ స్థానాల్లో పోటీపై మల్లగుల్లాలు పడుతోంది.
లోక్సభ పోటీపై భిన్నాభిప్రాయాలు వస్తున్న నేపథ్యంలో బరిలో నిలవడంపై మరో రెండు రోజుల్లో నిర్ణయాన్ని వెల్లడిస్తామని తెజస వర్గాలు తెలిపాయి.
ఇవీ చూడండి:లక్ష్యం పదహారు.. గెలుపు గుర్రాలకే పెద్దపీట
