దబాంగ్, దబాంగ్ 2 చిత్రాలతో ఆకట్టుకున్న సల్మాన్ ఖాన్.. ఇదే సిరీస్లో మూడో సినిమా 'దబాంగ్-3'ని ప్రారంభించాడు. నేటి నుంచి మధ్య ప్రదేశ్లో షూటింగ్ జరుపుకుంటోంది. సల్మాన్ తమ్ముడు అర్భాజ్ ఖాన్ నిర్మాతగా వ్యవహరిస్తున్నాడు. ప్రముఖ కొరియోగ్రాఫర్ ప్రభుదేవా దర్శకత్వం వహిస్తున్నాడు.
ఇంతకుముందు వచ్చిన దబాంగ్ను అభినవ్ కశ్యప్, దబాంగ్-2ను అర్భాజ్ ఖాన్ తెరకెక్కించారు.
దక్షిణాది చిత్రాలను బాలీవుడ్లో రీమేక్ చేసి దర్శకుడిగా ఆకట్టుకున్నాడు ప్రభుదేవా. 2009లో సల్మాన్ హీరోగా 'వాంటెడ్' పేరుతో తెరకెక్కించిన సినిమాతో భారీ విజయాన్ని అందుకున్నాడు. తెలుగులో హిట్ అయిన 'పోకిరి'కి ఇది రీమేక్.
అలీ అబ్బాస్ జాఫర్ దర్శకత్వంలో 'భారత్' సినిమాలో నటించాడు సల్మాన్. ఈ మధ్యే షూటింగ్ పూర్తి చేసుకుందా చిత్రం.
ఇవీ చదవండి:
- మరో వివాదాస్పద బయోపిక్ తెరకెక్కించనున్న రాంగోపాల్ వర్మ
- ఆఫ్రికాలో తెలుగు తారల క్రికెట్ హంగామా
- ప్రముఖ బాలీవుడ్ నిర్మాత కుమారుడి పెళ్లి వేడుకలో బాలీవుడ్ తారల సందడి
- మాయ చేస్తోన్న 'మజిలీ' ప్రచార చిత్రం.!
