వంతెన అంచున కంటైనర్... గాల్లో ప్రాణాలు...

ఆంధ్రప్రదేశ్​లోని చిత్తూరు జిల్లా కైగర్ వద్ద కంటైనర్ అదుపుతప్పి వంతెన అంచున నిలిచింది. డ్రైవర్ నిద్రమత్తులో ఉండడం వలనే ఈ ప్రమాదం జరిగిందని పోలీసులు తెలిపారు. వేగంగా వచ్చిన కంటైనర్ వంతెన అంచున ఆగడం వలన చోదకుడు ఊపిరి పీల్చుకున్నాడు.

ఏపీలోని చిత్తూరు జిల్లా బైరెడ్డిపల్లె మండలం కైగల్ వద్ద ఈ తెల్లవారు జామున ఓ కంటైనర్ వంతెన అంచుకు దూసుకెళ్లింది. కంటైనర్ అడ్డంగా ఆగిపోవడం వల్ల పలమనేరు-కుప్పం జాతీయ రహదారిపై ట్రాఫిక్ నిలిచిపోయింది. అనంతరం పోలీసులు ప్రత్యామ్నాయంగా కర్ణాటక రహదారి మీదుగా వాహనాలను మళ్లించారు. ప్రమాదానికి గురైన కంటైనర్​ తమిళనాడులోని హోసూరు నుంచి రాజస్థాన్ వెళ్తున్నట్లు పోలీసులు తెలిపారు. చోదకుడు నిద్రమత్తులో ఉండడం వల్ల ప్రమాదం జరిగిందని పోలీసులు తెలిపారు. కంటైనర్ వంతెన అంచున ఆగడం వలన డ్రైవర్, క్లీనర్ ప్రాణాలతో బయటపడ్డారు.

ఇదీ చూడండి : సైబరాబాద్​లో గంజాయి విక్రేతల అరెస్టు