ఫొని తుపాను ప్రభావంతో దక్షిణ మధ్య రైల్వే పలు రైళ్లను రద్దు చేసింది. ఇప్పటికే ఈ నెల 2 న 30 రైళ్లను, 3 న 32 , 4న 24 రద్దు చేసిన రైల్వే శాఖ... 5న 8, 6 న 3రైళ్లను, 7న రెండింటిని, 8న ఒక రైలు సేవలను నిలిపేసినట్లు తెలిపింది. నాలుగింటి సేవలను పాక్షికంగా రద్దు చేసిన అధికారులు... 4 రైళ్లను దారి మళ్లించారు. ఈ మార్పులతో రైల్వే ప్రయాణికులు తీవ్ర ఇబ్బందిపడ్డారు. రైళ్ల రద్దు వివరాలు ఎప్పటికప్పుడు ప్రయాణికులకు తెలియజేశామని రైల్వే అధికారులు తెలిపారు. అన్ని రైల్వే స్టేషన్లలో విపత్తుల నిర్వహణ అధికారులను ఏర్పాటు చేశామని... ప్రయాణికులకు అవసరమైన అన్ని సహాయక చర్యలు తీసుకున్నామని అధికారులు చెబుతున్నారు.
అయితే... దక్షిణ మధ్య రైల్వే పరిధిలో ఫొని ప్రభావం పెద్దగా చూపలేదన్న రైల్వే అధికారులు.... డివిజన్ల ప్రభావంతోనే రైళ్లను రద్దు చేశామన్నారు. ఆయా ప్రాంతాల్లోని పరిస్థితులను బట్టే సేవలు కొనసాగిస్తున్నామని తెలుపుతున్నారు. వాతావరణం చక్కదిద్దుకున్నాకే రైళ్లను పునరుద్ధరిస్తామని రైల్వే సీపీఆర్వో రాకేష్ తెలిపారు.
ఇవీ చూడండి: పది ఫలితాలు ఆలస్యం.. అదనపు జాగ్రత్తలే కారణం
