పాదచారులపైకి దూసుకెళ్లిన లారీ... ముగ్గురు మృతి

కర్ణాటక నుంచి శ్రీశైలానికి పాదయాత్రగా వెళ్తున్న వ్యక్తులపైకి లారీ దూసుకెళ్లింది. కొందరు లారీ చక్రాల కింద పడి నలిగిపోయారు. మరికొందరు భయంతో పరుగులు తీశారు. కర్నూలు జిల్లా కప్పట్రాళ్ల సమీపంలో జరిగిన ఈ దారుణం అందర్నీ కలచి వేసింది.

కర్నూలు జిల్లా దేవనకొండ మండలం కప్పట్రాళ్ల సమీపంలో ఘోర ప్రమాదం జరిగింది. ఈ దుర్ఘటనలో ముగ్గురు మృతి చెందారు. ఐదుగురికి తీవ్ర గాయాలయ్యాయి. కర్ణాటక నుంచి శ్రీశైలానికి పాదయాత్రగా వెళ్తున్న బృందంపైకి ఒక్కసారిగా లారీ దూసుకొచ్చింది. భయంతో కొంత మంది పరిగెత్తారు. మరికొంత మంది లారీ చక్రాల కింద నలిగిపోయారు. క్షతగాత్రులను కర్నూలు ప్రభుత్వాస్పత్రికి తరలించారు. మృతులు పోతులింగ, షేక్‌, ఉలిగయ్యగా పోలీసులు గుర్తించారు.

ఇదీ చదవండిఃహైదరాబాద్​లో కోటి రూపాయల సీజ్