Whatsapp New Year Effects: మరికొన్ని రోజుల్లో ఈ ఏడాది ముగిసి కొత్త సంవత్సరం రాబోతుంది. క్రిస్మస్ పండగ వచ్చేందుకు కూడా ఎన్నో రోజులు లేవు. ప్రస్తుతం అంతా క్రిస్మస్, న్యూ ఇయర్ ఫెస్టివల్ హాలీడేస్ ఎంజాయింగ్ మూడ్లో ఉన్నారు. ఈ నేపథ్యంలో వీడియో కాల్స్, చాట్స్లో కూడా పండగ వాతావరణాన్ని తీసుకొచ్చేందుకు వాట్సాప్ రెడీ అయింది.
ఇందుకోసం వాట్సాప్లో న్యూ ఇయర్కు ముందుగా ఫెస్టివల్ థీమ్లో కొన్ని ఫన్నీ ఫీచర్లను తీసుకొచ్చింది. కొన్ని రోజుల పాటు వినియోగదారుల కోసం కాలింగ్ ఎఫెక్ట్స్, యానిమేషన్లతో పాటు స్టిక్కర్లను ప్రవేశపెట్టింది. వీటితో ఈ పండగ సీజన్లో వీడియో కాల్స్, చాట్‌ను మరింత ఆహ్లాదకరంగా మార్చేందుకు వాట్సాప్ ప్రయత్నిస్తోంది.
వాట్సాప్లో న్యూ ఇయర్ ఫీచర్లు: ఈ క్రిస్మస్, న్యూ ఇయర్ హాలీడేస్లో వాట్సాప్ యూజర్లు ఫెస్టివ్ బ్యాక్గ్రౌండ్స్, ఫిల్టర్స్ వంటి వాటిని వినియోగించుకోవచ్చని వాట్సాప్ తెలిపింది. వీటితో పాటు యానిమేషన్లను కూడా తీసుకొచ్చినట్లు, వీటిని వాట్సాప్లో చాటింగ్ సమయంలో ఉపయోగించుకోవచ్చని పేర్కొంది.
ఇక వాట్సాప్లో వీడియో కాల్స్ మాట్లాడుతున్న సమయంలో న్యూ ఇయర్ థీమ్తో కొత్త కాలింగ్ ఎఫెక్ట్లను ఉపయోగించుకోవచ్చు. న్యూ ఇయర్ విషెస్ తెలిపేందుకు వీలుగా స్టిక్కర్లనూ అందుబాటులోకి తీసుకొచ్చినట్లు వాట్సాప్ తెలిపింది.
వీటితో పాటు వాట్సాప్ మరికొన్ని కొత్త స్టిక్కర్లను కూడా పరిచయం చేసింది. ప్లాట్‌ఫారమ్ క్యూరేటెడ్ న్యూ ఇయర్స్ ఈవ్ (NYE) స్టిక్కర్ ప్యాక్‌తో పాటు న్యూ ఇయర్ థీమ్‌కు సరిపోయే అవతార్ స్టిక్కర్లను తీసుకొచ్చింది. హాలిడే విషెస్ను సరదాగా, ఇంటరాక్టివ్‌గా పంపేందుకు ఈ ఫీచర్లు చక్కటి మార్గమని వాట్సాప్ తెలిపింది.
ఇదిలా ఉండగా వాట్సాప్ ఇటీవలే నాలుగు కొత్త ఫీచర్లను ప్రవేశపెట్టింది. ఇది హాలీడేస్ సీజన్ కావడంతో యూజర్ కమ్యూనికేషన్ మరింత మెరుగుపర్చేందుకు వీటిని తీసుకొచ్చినట్లు తెలిపింది. వీటితో ఆడియో, వీడియో వీడియో కాలింగ్ సమయంలో మెరుగైన ఎక్స్పీరియన్స్ను పొందొచ్చు. వాట్సాప్లో కొత్త ఫీచర్లు యాడ్ కావడంతో గ్రూప్ కాల్స్లో ఎంచుకున్న వ్యక్తులకు మాత్రమే నోటిఫికేషన్ వస్తుంది. దీనితో పాటు వీడియో కాల్స్లో న్యూ ఎఫెక్ట్స్, మెరుగైన డెస్క్‌టాప్ కాలింగ్, బెటర్ వీడియో క్వాలిటీ సదుపాయాన్ని కూడా అందిస్తుంది. అయితే ఈ కొత్త ఫీచర్లను ఎలా ఉపయోగించాలో తెలుసుకునేందుకు ఇక్కడ క్లిక్ చేయండి.
ఓపెన్ఏఐ మరో అద్భుతం.. ఇకపై వాట్సాప్తో పాటు ల్యాండ్లైన్లోనూ చాట్జీపీటీ..!- ఎలా ఉపయోగించాలంటే?
మంచి మిడ్రేంజ్ ఫోన్ కోసం చూస్తున్నారా?- ఏఐ ఫీచర్లతో టాప్ మోడల్స్ మీకోసం.. ఓ లుక్కేయండి మరి!
సూపర్ ఫీచర్స్, 400 కి.మీ కంటే ఎక్కువ రేంజ్!- ఈ ఏడాది కస్టమర్లను ఫిదా చేసిన ఈవీ కార్లు ఏవో తెలుసా?
