'సర్కార్', 'అదిరింది', 'స్నేహితుడు' సినిమాలతో తెలుగు ప్రేక్షకులను ఆకట్టుకున్నాడు తమిళ హీరో విజయ్. ప్రస్తుతం అట్లీ తెరకెక్కిస్తున్న #తళపతి 63(వర్కింగ్ టైటిల్)లో నటిస్తున్నాడు. ప్రముఖ బాలీవుడ్ నటుడు జాకీష్రాఫ్ ఈ సినిమాలో నటించేందుకు అంగీకరించాడు. సంబంధిత విషయాన్ని చిత్రబృందం వెల్లడించింది.
స్పోర్ట్స్ డ్రామాగా తెరకెక్కుతున్న ఈ చిత్రంలో విజయ్ ఫుట్బాల్ కోచ్గా కనిపించనున్నాడు. హీరోయిన్గా లేడీ సూపర్ స్టార్ నయనతార నటిస్తుంది. ఏఆర్ రెహమాన్ సంగీతం అందిస్తున్నారు . దీపావళి కానుకగా విడుదలవనున్న ఈ చిత్రంపై భారీ అంచనాలు ఉన్నాయి.
