అమెరికాలో మెుదటిసారి మాతృదినోత్సవం నిర్వహించేవారు. సమాజంలో తల్లి పాత్ర, ఆమె చేసే నిస్వార్థ సేవ గుర్తు చేసుకోవడం కోసం ఏటా మే రెండో ఆదివారం జరిపేవారు. మెుదట మహిళా సంఘాలకే పరిమితమైన ఈ వేడుకలు..అంతటికి వ్యాపించాయి.
వర్జినీయాలో మెుదటిసారి
మేరీ జార్వీస్ అనే అమెరికన్ మహిళ కృషి ఫలితమే... ఈ మదర్స్ డే. తన ఆశయం నెరవేరకుండానే...కన్నుమూసిన తల్లిని తలుచుకోవడం కోసం మదర్స్ డే ఏర్పాటు చేయాలన్న ఆలోచన ఆమెకొచ్చింది. దీనికి విస్తృతంగా ప్రచారం కల్పించేందుకు చాలా కృషి చేసింది. మాతృ దినోత్సవాన్ని అంతర్జాతీయ సేవల దినోత్సవంగా ప్రకటించాలని జార్వీస్ తీవ్ర ప్రయత్నం చేసింది. ఆమెతోపాటు చాలమంది నడిచారు. 1910లో తొలిసారి పశ్చిమ వర్జీనియాలో మదర్స్ డేను సెలవు దినంగా ప్రకటించారు.
అమెరికాలో చట్టం
వర్జీనియా తర్వాత అమెరికాలోని చాలా రాష్ట్రాలూ ఈ మదర్స్ డేను అనుసరించాయి. 1914 మే 8న అమెరికా కాంగ్రెస్..మే నెలలో రెండో ఆదివారాన్ని మాతృదినోత్సవంగా ప్రకటిస్తూ...చట్టం చేసింది. ఈ విషయాన్ని మరుసటి రోజు..అప్పటి అధ్యక్షుడు ఉడ్రో విల్సన్ అధికారికంగా ప్రకటించారు.
భారత్లో మదర్స్ డే
భారత్లో దాదాపు పదేళ్లుగా ఈ మదర్స్ డే సంస్కృతి ఎక్కువైంది. ప్రపంచీకరణ, పాశ్చాత్య పోకడ, భారతీయులు అమెరికాలో అధికంగా ఉండటమే ఇందుకు కారణం. ఇంటర్నెట్, శాటిలైట్ విప్లవం లాంటివి భారత్లో మదర్స్ డే జరిగేందుకు కారణమయ్యాయి. భారత్లో ఇతర రోజులను ఎక్కువగా విమర్శిస్తుంటారు..కానీ...మాతృ దినోత్సవాన్ని విమర్శించేవారు చాలా తక్కువ మంది.
ఇదీ చూడండి : మాతృదినోత్సవం నాడు అమ్మతో సరదాగా
