రుతుక్రమంపై బాలికలకు అవగాహన కల్పించాలి

పల్లెటూళ్లలో నివసించే బాలికలకు రుతుక్రమంపై అవగాహన కల్పించాలని జిల్లా సహాయ పాలనాధికారి అభిలాష అభినవ్​ సూచించారు. ఉట్నూరులో పలు విభాగాల సిబ్బందితో సమావేశమయ్యారు.

గ్రామీణ ప్రాంతాల్లోని బాలికలకు రుతుస్రావం సమయంలో తీసుకోవాల్సిన జాగ్రత్తలు వివరించాల్సిన అవసరం ఎంతైనా ఉందని జిల్లా సహాయ పాలనాధికారి అభిలాష అభినవ్ అభిప్రాయపడ్డారు. ఆదిలాబాద్​ జిల్లా ఉట్నూర్​లోని కుమురం భీం ప్రాంగణంలో వైద్య ఆరోగ్య సిబ్బంది, ఏఎన్ఎం, ఆశా, అంగన్వాడీ కార్యకర్తలతో సమావేశమయ్యారు. రుతుక్రమం సమయంలో చేయవల్సిన యోగాసనాలను ప్రగతి స్వచ్ఛంద సంస్థ కార్యకర్తలు వివరించారు. జిల్లా వైద్య ఆరోగ్య శాఖ అధికారి రాజీవ్​రాజు, అదనపు జిల్లా వైద్యాధికారి చందు, జిల్లా ఉప వైద్యాధికారి డా.వసంతరావు యువతకు పలు సూచనలు చేశారు.

ఇవీ చూడండి: జూన్‌ 4న ఎంపీటీసీ, జడ్పీటీసీ ఎన్నికల ఓట్ల లెక్కింపు