300 ఐపీఎల్​ టికెట్లు కావాలి: అబ్కారీ అధికారి లేఖ

ఐపీఎల్​ తుది పోరు ప్రత్యక్షంగా వీక్షించేందుకు ఒక్క టికెట్ దొరికితే చాలనుకుంటున్న అభిమానులు ఈ విషయం తెలిస్తే నిర్ఘాంత పోతారు. ఏకంగా 300 టికెట్లు కావాలని ఆబ్కారీ శాఖ అధికారులు ఐపీఎల్​ నిర్వాహకులకు లేఖ రాశారు. ఈ అంశాన్ని తీవ్రంగా పరిగణించిన సంబంధిత శాఖ ఉన్నతాధికారులు సదరు అధికారికి మెమో ఇచ్చి వివరణ కోరుతామంటున్నారు.

నేడు ఉప్పల్​ మైదానంలో ముంబయి ఇండియన్స్​, చెన్నై సూపర్​కింగ్స్​ మధ్య జరగబోయే తుదిపోరుకు సంబంధించిన టికెట్లు ఎప్పుడో అమ్ముడైపోయాయి. ఒక్క టికెట్ అయినా దొరుకుతుందని ఇంకా స్టేడియం వద్ద క్రీడాభిమానులు పడిగాపులు కాస్తున్నారు. కాని తమకు ఏకంగా 300 టికెట్లు కావాలని మేడ్చల్​ జిల్లా ఎక్సైజ్​ అధికారి ఐపీఎల్​ నిర్వాహకులకు లేఖ రాశారు. ఉన్నతాధికారులకు టికెట్లు కావాలని అధికారిక పత్రంలో పేర్కొన్నారు. ఈ అంశాన్ని తీవ్రంగా పరిగణించిన సంబంధిత శాఖ అధికారులు బాధ్యులకు మొమో ఇచ్చి వివరణ కోరుతామని తెలిపారు.

ఇదీ చదవండి: ఐపీఎల్​ ఫైనల్​కు ఏమేం తీసుకురావొద్దంటే..!