పిల్లల ప్రాణాలంటే అంత అలుసా?

విస్మయపరిచిన ముంబయి పాఠశాల బస్సు డ్రైవర్​ నిర్వాకం.

పాఠశాల బస్సుల ప్రమాదాలు రోజురోజుకు పెరిగిపోతున్నాయి. ప్రమాదం జరిగాకే అధికారులు చర్యలు చేపట్టినట్టు హడావిడి చేస్తారు. కొద్ది రోజులకు మర్చిపోతారు. ఏమాత్రం జాగ్రత్త వహించకుండా ఎన్నో పాఠశాలలు ఇప్పటికీ పసిపిల్లల ప్రాణాలతో చెలగాటం ఆడుతున్నాయి.

తాజాగా ముంబైలో ఓ పాఠశాల బస్సు డ్రైవర్ చేసిన నిర్వాకం విస్మయానికి గురిచేస్తోంది. గేర్​ రాడ్డు స్థానంలో వెదురు కర్రను ఉపయోగించి బస్సును నడిపాడు సదరు డ్రైవర్​. ముంబయిలో జరిగిన ఈ ఘటనకు సంబంధించిన విడియో ఇప్పుడు సోషల్​ మీడియాలో చక్కర్లు కొడుతోంది.

ఆ వెదురు కర్రనే గేర్​ రాడ్డు స్థానంలో వాడుతూ బస్సుతో బీఎండబ్ల్యూ కారును ఢీకొట్టాడు. బస్సును వెంబడించి పట్టుకున్న కారు డ్రైవర్​ గేర్​ రాడ్డు స్థానంలో వెదురు కర్రను చూసి అవాక్కయ్యాడు. డ్రైవర్​ రాజ్​కుమార్​ను పోలీసులు అదుపులోకి తీసుకున్నారు. మరమ్మతుకు సమయం లేకపోవడం వల్లే కర్రతో బస్సు నడుపుతున్నట్టు డ్రైవర్​ వివరించాడు. మూడేళ్లుగా ఈ తంతు సాగినట్లు విచారణలో తేలింది.