ఈనెల 18న రామగుండానికి కేసీఆర్​...

సీఎం కేసీఆర్ ఈ నెల 18న పెద్దపల్లి జిల్లాలో పర్యటించనున్నారు. రామగుండం ఎన్టీపీసీ, జెన్​కో పవర్‌ ప్లాంట్ అధికారులతో విద్యుత్​కు సంబంధించిన అంశాలపై చర్చించనున్నారు. అనంతరం కాళేశ్వరంలో ప్రాజెక్టు పనులను పరిశీలించనున్నారు.

ముఖ్యమంత్రి కేసీఆర్​ ఈనెల 18, 19 తేదీల్లో రామగుండం, కాళేశ్వరం ప్రాజెక్టులను సందర్శించనున్నారు. ఈనెల 18న రామగుండంలో నిర్మాణంలో ఉన్న 1,600 మెగావాట్ల ఎన్టీపీసీ విద్యుత్​ ప్లాంటును పరిశీలిస్తారు. అదే రోజు ఎన్టీపీసీ, జెన్​కో అధికారులతో సమీక్ష నిర్వహించనున్నారు. అనంతరం 19వ తేదీ ఉదయం కాళేశ్వరం దేవాలయంలో పూజలు నిర్వహించి... ప్రాజెక్టు నిర్మాణ ప్రాంతాల్లో కేసీఆర్​​ పనులను పరిశీలించనున్నట్లు ముఖ్యమంత్రి కార్యాలయం ఒక ప్రకటనలో తెలిపింది.

ఇదీ చూడండి : కాళేశ్వరం ప్రాజెక్టుపై ముఖ్యమంత్రి కేసీఆర్ సమీక్ష