లక్ష్మణ్​కు సంఘీభావంగా బీజేవైఎం రాస్తారోకో

ఇంటర్​ విద్యార్థులకు న్యాయం జరిగేలా భాజపా శ్రేణులు ఆందోళనలు చేపడుతున్నాయి. హైదరాబాద్​ ఆర్టీసీ క్రాస్​ రోడ్​లో బీజేవైఎం రాస్తారోకో నిర్వహించింది. పార్టీ అధ్యక్షుడు లక్ష్మణ్​ దీక్షకు సంఘీభావం తెలిపింది.

ఇంటర్ బోర్డు అవకతవకలపై ప్రభుత్వ నిర్లక్ష్య వైఖరిని నిరసిస్తూ హైదరాబాద్​ బీజేవైఎం ఆందోళన చేపట్టింది. భాజపా రాష్ట్ర అధ్యక్షుడు కె.లక్ష్మణ్ చేపట్టిన నిరవధిక నిరాహార దీక్షకు సంఘీభావంగా ఆర్టీసీ క్రాస్ రోడ్​లో రాస్తారోకో నిర్వహించారు. బస్సులకు అడ్డంగా నిలబడి నిరసన వ్యక్తం చేశారు. ప్రభుత్వానికి వ్యతిరేకంగా నినాదాలు చేశారు. ఇంటర్ విద్యార్థులకు న్యాయం చేసేవరకు దశల వారీగా తమ పోరాటం కొనసాగిస్తామని బీజేవైఎం గ్రేటర్ అధ్యక్షుడు నవీన్ స్పష్టం చేశారు. నాయకులు చేపట్టిన రాస్తారోకోతో ట్రాఫిక్​కు తీవ్ర అంతరాయం ఏర్పడింది.

ఇవీ చూడండి: చారిత్రక చార్మినార్​కు ఊడిన పెచ్చులు