బంగారంపై పెట్టబడులు పెడితే అధిక లాభాలిస్తామని మదుపర్ల వద్ద వేల కోట్లు కాజేసిన నౌహీరా షేక్ మోసాలు ఒక్కొక్కటిగా బయటపడుతున్నాయి. నౌహీరా మాటలకు మోసపోయిన ఆంధ్రప్రదేశ్కు చెందిన విశ్రాంత ఇంజినీర్ అబ్దుల్ జబ్బార్ కూడా పెట్టుబడులు పెట్టారు.
2016లో ఆయన తన పేరు మీద, కుటుంబ సభ్యుల పేరు మీద హీరా గ్రూప్ సంస్థల్లో దఫాలుగా రూ.2.14కోట్లు పెట్టుబడి పెట్టారు. హీరా గ్రూప్స్ 2016, 2017, 2018 సంవత్సరాల్లో వడ్డీ సక్రమంగానే చెల్లించారు. గతేడాది మే నుంచి డబ్బులు రావడం ఆగిపోగా.. నౌహీరా షేక్ను అడిగారు. సరైన సమాధానం ఇవ్వనందున ఆందోళనకు గురయ్యారు.
హైదరాబాద్ సీసీఎస్ పోలీస్ స్టేషన్లో ఆమెపై కేసు నమోదైందన్న విషయం తెలుసుకొని... అబ్దుల్ జబ్బార్ పోలీసులకు ఫిర్యాదు చేశారు. మొదట్లో 3లక్షలు పెట్టుబడి పెడితే... సకాలంలో వడ్డీ చెల్లిస్తున్నారని... బ్యాంకులో ఉన్న డబ్బంతా తీసుకొచ్చి హీరా గ్రూప్స్లో పెట్టుబడి పెట్టి మోసపోయానని ఫిర్యాదులో పేర్కొన్నారు.
ఇదీ చూడండి: శంషాబాద్ విమానాశ్రయంలో 11 కిలోల బంగారం సీజ్
