దేశంలో సంచలనం సృష్టించిన హాథ్రస్ హత్యాచార ఘటనకు సంబంధించిన కేసును సుప్రీం కోర్టు విచారించింది. కేసును సీబీఐ/ప్రత్యేక దర్యాప్తు బృందంతో దర్యాప్తు పూర్తి చేయించాలని పిటిషన్దారు కోరారు. దర్యాప్తును సుప్రీం లేదా హైకోర్టు సిట్టింగ్ న్యాయమూర్తి పర్యవేక్షించాలని అభ్యర్థించారు. వాదనలు విన్న న్యాయస్థానం తీర్పును రిజర్వ్ చేసింది,
వాదనలు..:
- హాథ్రస్ బాధిత కుటుంబాని తగిన భద్రత యూపీ ప్రభుత్వం కల్పించిందని కోర్టుకు తెలిపిన ఎస్ జీ తుషార్ మెహతా
- న్యాయ సహాయ విషయంలో ఇప్పటికే ప్రయివేటు న్యాయవాదులు బాధిత కుటుంబం తరపున ఉన్నారని తెలిపిన మెహతా
- విచారణను దిల్లీకి బదిలీ చేయాలని కోరిన బాధిత కుటుంబం తరపు న్యాయవాది సీమా కుష్వాహ
- స్టేటస్ రిపోర్ట్ ను సీబీఐ యూపీ ప్రభుత్వానికి కాకుండా సుప్రీంకోర్టు సమర్పించాలని కోరిన సీమా కుష్వాహ
- స్టేటస్ రిపోర్టు నేరుగా కోర్టుకు సమర్పించడంలో అభ్యంతరం లేదన్న యూపీ ప్రభుత్వం
- ఈ కేసు మొత్తం విచారణ అలహాబాద్ హైకోర్టును చేయనివ్వండన్న సీజేఐ
- అంతిమంగా ఈ కేసు విచారణపై తమ పర్యవేక్షణ ఉంటుందని తెలిపిన సీజేఐ
- బాధిత కుటుంబానికి కేంద్ర బలగాలతో రక్షణ కల్పించాలన్న న్యాయవాది జైసింగ్
