చక్రాసనంలో 30 కేజీల బరువు మోసి రికార్డు

ఒడిశాకు చెందిన ఓ యువకుడు అరుదైన ఘనత సాధించాడు. చక్రాసనంలో కొద్ది నిమిషాల పాటు 30 కేజీల బరువును మోసినందుకు ఇండియన్​ బుక్​ ఆఫ్​ రికార్డ్స్​లో చోటు సంపాదించాడు.

30 కేజీల బరువును మోయాలంటే ఎంతో శ్రమతో కూడిన పని. అలాంటిది ఓ యువకుడు ఆ బరువును సునాయసంగా తన పొట్ట మీద కొద్ది నిమిషాల పాటు మోసి.. రికార్డు సాధించాడు. యోగాలో ప్రావీణ్యం సంపాదించిన సౌమ్య రంజన్.. చక్రాసనంలో 30 కేజీల బరువును మోసాడు.

ఒడిశాలోని జాజ్​పుర్​ జిల్లా మురారీపుర్​ గ్రామానికి చెందిన సౌమ్య రంజన్ రౌత్.. యోగా మీద మంచి పట్టు సంపాదించాడు. ఈ క్రమంలో ఆన్​లైన్​ వేదికగా నిర్వహించిన పోటీల్లో రంజన్​ ఈ సాహసం చేశాడు. ఫలితంగా ఇండియా బుక్​ ఆఫ్​ ​రికార్డ్స్​లో చోటు దక్కించుకున్నాడు.

ఇదీ చదవండి : చారిత్రక పంబన్​ వంతెనకు తప్పిన ముప్పు