ఈ పెన్​ చాలా కాస్​ట్లీ గురూ!

బెంగళూరులోని విలియమ్​ పెన్స్​ సంస్థ ఖరీదైన పెన్నులను విక్రయిస్తోంది. ఇందులో అత్యధికంగా రూ.7 లక్షలు విలువ చేసే పెన్​​.. చూపరులను ఆకర్షిస్తోంది. రూ.10వేలు, రూ.35వేల ఖరీదైన వాటిని కొనుగోలు చేసేందుకు వినియోగదారులు ఆసక్తి కనబరుస్తున్నారని నిర్వాహకులు వెల్లడించారు.

ఖరీదైన పెన్​​ అనగానే మనం దాని ధర రూ.500 లేక రూ.1,000 ఉంటుందని అంచనా వేస్తాం. కానీ కర్ణాటకలోని ఓ సంస్థ విక్రయించే ఆ పెన్ను ధర తెలిస్తే మన అంచనాలు అన్నీ తలకిందులు అవుతాయి. ఎందుకంటే ఆ కలం ధర రూ.వేలల్లో కాదు లక్షల్లో. స్విట్జర్లాండ్​కు చెందిన కరాన్​డష్ సంస్థ​ రూపొందించిన ఈ పెన్​ ధర రూ. 7 లక్షలు. దీనికి ఇంత ధర వెనుక కారణం లేకపోలేదు. పొదిగిన బంగారం, అరుదైన క్రిస్టల్స్​.. ఈ పెన్ను ధరను లక్షల్లో పలికేలా చేశాయి.

రూ.7 లక్షలు విలువ చేసే కరాన్​డష్​ పెన్​

బెంగళూరులోని కోరమంగళలో విలియమ్​ పెన్​ సంస్థ గత 20 ఏళ్లుగా బ్రాండెడ్​ పెన్స్​కు చిరునామాగా నిలుస్తోంది. అయితే ఇటీవల సరికొత్తగా సేవలను ప్రారంభించింది. ఈ క్రమంలో విదేశాలకు చెందిన వివిధ రకాల ఖరీదైన పెన్నులను అమ్మకానికి ఉంచింది. ఇక్కడ రూ.10వేలు విలువ చేసే పెన్స్​ హాట్​కేకుల్లా అమ్ముడవుతున్నాయి. రూ. 35వేలు విలువ చేసే పెన్నులను కొనుగోలు చేసేందుకు కూడా కస్టమర్లు ఆసక్తి కనబరుస్తున్నారని నిర్వాహకులు వెల్లడించారు.

ఇదీ చదవండి : పేరుకు ప్రైవేటు స్కూల్.. ఫీజు మాత్రం ఏడాదికి రూ.500!