Vaccination: కరోనా టీకా​ తీసుకున్నవారికే రేషన్​!

టీకా పంపిణీని విస్తృతం చేసేందుకు కర్ణాటకలోని శరేవడా గ్రామ సర్పంచ్​ కీలక నిర్ణయం తీసుకున్నారు. టీకా తీసుకుంటే కానీ రేషన్​ అందించేది లేదని నిబంధన విధించారు. టీకా తీసుకున్నట్టు రసీదు ఉంటేనే రేషన్​ అందేలా ఏర్పాటు చేశారు.

వ్యాక్సినేషన్ ప్రక్రియను ప్రభుత్వాలు మరింత విస్తృతం చేసేందుకు ప్రయత్నిస్తున్నా.. అవగాహన లేమి, అపోహల కారణంగా పలు చోట్ల ప్రజలు టీకా తీసుకునేందుకు నిరాకరిస్తున్నారు. కర్ణాటకలోని హుబ్బళ్లిలోని శరేవడా గ్రామంలో కూడా ఇటువంటి పరిస్థితే నెలకొంది. ఇందుకు ఆ గ్రామ సర్పంచ్ ఓ పరిష్కారాన్ని కనుగొన్నారు. టీకా తీసుకుంటేనే కానీ రేషన్​ అందించేది లేదని స్పష్టం చేశారు.

రసీదు చూపిస్తేనే రేషన్..

టీకా తీసుకున్నట్లు ఆశ వర్కర్లు అందించిన రసీదును రేషన్​ షాపులో చూపిస్తేనే గ్రామస్థులు రేషన్ తీసుకునేందుకు అర్హులని సర్పంచ్​ ప్రకటించారు. దీంతో ప్రజలు టీకా కేంద్రాల వద్ద క్యూ కడుతున్నారు. అయితే ప్రస్తుతం ఆ గ్రామంలో వ్యాక్సిన్​లకు కొరత ఏర్పడింది. దీనిపై గ్రామస్థులు అసహనం వ్యక్తం చేస్తున్నారు. తమకు వ్యాక్సిన్​ ఇప్పించాలని.. లేదంటే రేషన్​ అయినా అందించాలని డిమాండ్​ చేస్తున్నారు.

ఇదీ చదవండి : మరింత పవర్​ఫుల్​గా కరోనా టీకా!