Vijaykumar Gavit Comments on Aishwarya Rai : రోజూ చేపలు తింటే.. ప్రముఖ సినీ నటి ఐశ్వర్యరాయ్ లాంటి కళ్లు తయారవుతాయని వివాదాస్పద వ్యాఖ్యలు చేశారు మహారాష్ట్ర గిరిజన శాఖ మంత్రి విజయ్ కుమార్ గావిట్. చేపల తినడం వల్ల చర్మం మృదువుగా తయారవుతుందని.. కళ్లలో మెరుపులు వస్తాయని వ్యాఖ్యానించారు. దీంతో మీ వైపు చూసేవారు ఆకర్షణకు గురవుతారని పేర్కొన్నారు. రాష్ట్ర మంత్రి విజయ్ కుమార్ గావిట్ చేసిన ఈ వ్యాఖ్యలు తీవ్ర విమర్శలకు దారితీశాయి.
"రోజు చేపలు తింటే చర్మం మృదువుగా తయారువుంది. కళ్లల్లో మెరుపులు వస్తాయి. ఎవరైనా మీ వైపు చూస్తే వెంటనే ఆకర్షితులవుతారు. ఐశ్వర్య రాయ్ మంగళూరులోని సముద్ర తీరం సమీపంలో నివసించేవారు. ఆమె రోజు చేపలు తింటారు. మీరు ఆమె కళ్లు చూశారా? ఎంతో అందంగా ఉంటాయి. అందుకే మీరు చేపలు తినండి. మీ కళ్లు కూడా అలాగే తయారవుతాయి." అని మంత్రి విజయ్ కుమార్ గావిట్ అన్నారు. చేపల్లో కొన్ని నూనెలు ఉంటాయని.. అవి చర్మాన్ని మృదువుగా చేస్తాయన్నారు. సోమవారం నందుర్బార్ జిల్లాలోని ఓ బహిరంగ సభలో మంత్రి చేసిన ఈ కామెంట్స్.. సామాజిక మాధ్యమాల్లో తెగ వైరల్గా మారాయి.
మంత్రి చేసిన వ్యాఖ్యలపై విమర్శలు గుప్పించారు మహారాష్ట్ర శాసన మండలి సభ్యులు, ఎన్సీపీ నేత అమోల్ మిత్కారీ. ఇలాంటి అనవసర వ్యాఖ్యలు చేసే బదులు.. గిరిజనుల అభివృద్ధిపై దృష్టి సారించాలన్నారు. బీజేపీ ఎమ్మెల్యే నితేశ్ రాణె కూడా మంత్రి విజయ్ కుమార్ గావిట్ వ్యాఖ్యలపై వ్యంగ్యాస్త్రాలు సంధించారు. తాను రోజూ చేపలు తింటానని.. కానీ ఐశ్వర్యరాయ్ లాంటి కళ్లు తనకేమి లేవని వ్యాఖ్యానించారు. దీనిపై మంత్రి పరిశోధన ఏమైనా చేశారా అంటూ ప్రశ్నించారు నితేశ్ రాణె.
సినీ నటి ఖుష్బూపై వివాదాస్పద వ్యాఖ్యలు..
Sivaji Krishnamurthy Comments On Kushboo : కొన్నాళ్ల క్రితం ఓ సమావేశంలో బీజేపీ నాయకురాలు, సినీ నటి ఖుష్బూను ఉద్దేశిస్తూ అనుచిత వ్యాఖ్యలు చేశారు డీఎంకే పార్టీ నేత శివాజీ కృష్ణమూర్తి. అంతకు ముందు కూడా ఆయన ఇలాంటి వ్యాఖ్యలే చేశారు. దీంతో కృష్ణమూర్తిపై ఆ పార్టీ అధిష్ఠానం కఠిన చర్యలు తీసుకుంది. పార్టీ నుంచి బహిష్కరిస్తూ నిర్ణయం తీసుకుంది. పూర్తి కథనం కోసం ఇక్కడ క్లిక్ చేయండి.
Rahul Gandhi Bike Trip : 18 వేల అడుగుల ఎత్తైన రహదారిపై రాహుల్ బైక్ రైడింగ్.. వీడియో చూశారా?
