జైలు అంటే.. నాలుగు గోడలు.. కఠిన నిబంధనలు.. చప్పిడి తిండితో ఉంటుందని మనకు తెలుసు. కానీ, ఓ కారాగారంలో ఇందుకు భిన్నమైన దృశ్యాలు కనిపించాయి. లాకప్లోని ఖైదీలు(Prisoners) జాలీగా గడుపుతున్న వీడియో.. సామాజిక మాధ్యమాల్లో వైరల్గా(Viral Video) మారింది. ఈ సంఘటన దిల్లీ జైలులో జరిగినట్లుగా తెలుస్తోంది.
మద్యం సేవిస్తూ..
లాకప్లో ఉన్న ఖైదీలు.. సిగరెట్లు, స్నాక్స్ తింటూ మద్యం సేవించడం(Alcohol drinking prisoners) ఆ వీడియోలో కనిపించింది. వారిలోని ఓ వ్యక్తి తన ఫోన్లో ఈ తతంగాన్ని రికార్డు చేశాడు. దీంతో ఈ ఖైదీల వ్యవహారం వెలుగులోకి వచ్చింది. ఈ ఖైదీలు నీరజ్ బవానియా గ్యాంగ్కు చెందిన షూటర్లుగా తెలుస్తోంది. కొన్నిరోజుల క్రితం వీరిని అరెస్టు చేసిన దిల్లీలోని మండోలి జైలు ప్రత్యేక విభాగం పోలీసులు.. రిమాండ్ కోసం లోధీ కాలనీ కార్యాలయానికి తరలించారు. ఆ తర్వాతే ఈ వీడియో బయటకు వచ్చింది. అయితే.. ఇది జైలులో జరిగిందా? లేక ప్రత్యేక విభాగం కార్యాలయంలో జరిగిందా? అనేది తెలియలేదు.
'పరిశీలిస్తాం'
ఈ విషయాన్ని జైళ్ల శాఖ డీజీపీ సందీప్ గోయల్ దృష్టికి తీసుకువెళ్లగా.. తాము పరిశీలించాల్సిన అవసరం ఉందని చెప్పారు. అయితే.. ఈ వీడియో కచ్చితత్వంపై ఎలాంటి ఆధారాలు లేవు.
ఇదీ చూడండి: సతి వెంటే పతి- భార్య చితిలో దూకి భర్త మృతి
ఇదీ చూడండి: మిత్రుడి ప్రాణాలు కాపాడబోయి.. మరో ముగ్గురు కూడా..
