Vaccination for 12-14 age group: దేశంలో 12-14 ఏళ్ల వయసు పిల్లలకు టీకా అందించే ప్రక్రియ 2022, మార్చిలో ప్రారంభమయ్యే అవకాశం ఉందని సంబంధిత వర్గాలు తెలిపాయి. మార్చి నాటికి 15-18 ఏళ్ల వయసు పిల్లలకు టీకా అందించటం పూర్తవుతుందని, ఆ తర్వాత 12-14 ఏళ్ల వారికి టీకా అందించే అవకాశం ఉందని తెలిపారు కొవిడ్-19 వర్కింగ్ గ్రూప్ ఎన్టీఏజీఐ ఛైర్మన్ డాక్టర్ ఎన్కే అరోడా.
దేశంలో 7.40 కోట్ల మంది 15-18 ఏళ్ల వయసు పిల్లలు ఉన్నట్లు అంచనా. అందులో 3.45 కోట్ల మందికి ఇప్పటికే తొలి డోసు కొవాగ్జిన్ను పంపిణీ చేశారు. వీరు 28 రోజుల తర్వాత రెండో డోసు తీసుకోవాల్సి ఉంటుంది.
" 15-18 ఏళ్ల వయసు పిల్లలు కరోనా టీకా పంపిణీలో పెద్ద ఎత్తున పాల్గొంటున్నారు. ఇదే విధంగా కొనసాగితే.. జనవరి చివరి నాటికి తొలి డోసు పంపిణీ పూర్తవుతుంది. అలాగే.. ఫిబ్రవరి చివరి నాటికి రెండో డోసు తీసుకోవటం కూడా ముగుస్తుంది. 15-18 ఏళ్ల వారికి పూర్తిస్థాయిలో టీకా పంపిణీ ముగిశాక.. 12-14 ఏళ్ల వారికి టీకా ఇచ్చే విషయంపై ప్రభుత్వం మార్చిలో నిర్ణయం తీసుకుంటుంది."
- డాక్టర్ ఎన్కే అరోడా, కొవిడ్ వర్కింగ్ గ్రూప్ ఛైర్మన్.
దేశవ్యాప్తంగా 12 నుంచి 14 ఏళ్ల మధ్య వయసు పిల్లలు దాదాపు 7.5 కోట్ల మంది ఉన్నట్లు చెప్పారు డాక్టర్ అరోడా. వారికి కొవిడ్ టీకాలు వేసేందుకు మార్చిలో ప్రణాళికలు రూపొందించనున్నట్లు చెప్పారు.
ఇదీ చూడండి:
