వసంత పంచమి సందర్భంగా దేశవ్యాప్తంగా ఆధ్యాత్మిక శోభ సంతరించుకుంది. ఉత్తరాఖండ్లోని హరిద్వార్.. గంగా తీరానికి భక్తులు పోటెత్తారు. ఇక్కడ ఓ అరుదైన సన్నివేశం కనిపించింది. ఆంధ్రప్రదేశ్కు చెందిన పున్నాల గౌరీశంకర్ అనే ఓ భక్తుడు.. మూడు రాష్ట్రాల ముఖ్యమంత్రుల చిత్రపటాలకు గంగా నదిలో పుణ్యస్నానాలు చేయించారు.
ఉత్తరాఖండ్, ఆంధ్రప్రదేశ్, తెలంగాణ సీఎంలు.. తమ రాష్ట్రాల్లో మంచి పాలన అందించేలా చూడాలని సరస్వతీ దేవికి పూజలు చేసినట్లు ఆయన చెప్పుకొచ్చారు.
''మూడు రాష్ట్రాల ముఖ్యమంత్రులు.. ఉత్తరాఖండ్ సీఎం, ఆంధ్రప్రదేశ్ ముఖ్యమంత్రి వైఎస్. జగన్మోహన్ రెడ్డి, తెలంగాణ ముఖ్యమంత్రి కల్వకుంట్ల చంద్రశేఖర్ రావు చిత్రపటాలకు జలాభిషేకం చేశాను. స్వచ్ఛభారత్లాగా వారి రాష్ట్రాల్లో స్వచ్ఛపాలన, సుపరిపాలన అందించాలని గంగా నదిలో పుణ్యస్నానం చేయించా. ఈ వసంత పంచమి రోజు.. వారికి జ్ఞానం ప్రాప్తించాలని కోరుకుంటున్నా.''
- పున్నాల గౌరీ శంకర్, ఆంధ్రప్రదేశ్కు చెందిన భక్తుడు
ప్రస్తుతం దేశ ఆర్థిక పరిస్థితి అధ్వానంగా ఉందని.. పేదలు మరింత పేదవారిగా, ధనికులు ఇంకా సంపన్నులుగా మారుతున్నారని గౌరీ శంకర్ అన్నారు.
ఇదీ చూడండి: దీదీ దూత X మోదీ పరా: యాప్లతో ఓట్ల వేట!
