UP phase-1 assembly polls: ఉత్తర్ప్రదేశ్లో తొలి దశ ఎన్నికలు ముగిశాయి. ఈ ఎన్నికల్లో ఆధిక్యం లభించేది తమకేనంటూ వివిధ పార్టీలు చెప్పుకుంటున్నాయి. తొలి దశ తర్వాత భాజపా జెండా అందనంత ఎత్తులో ఎగురుతోందని ప్రధానమంత్రి నరేంద్ర మోదీ వ్యాఖ్యానించారు. కాస్గంజ్లో ఎన్నికల ప్రచారం నిర్వహించిన ఆయన.. విపక్షాల ఆశలన్నీ అడియాశలయ్యాయని అన్నారు. అందుకే ఈవీఎంలపై ఆరోపణలు చేస్తున్నాయని మండిపడ్డారు.
UP election result
"నిన్న ఉత్తర్ప్రదేశ్ తొలి దశ ఎన్నికలు జరిగాయి. భాజపా రికార్డు మెజారిటీతో గెలుస్తుందని స్పష్టమవుతోంది. భాజపా గెలవాలని మాకంటే ఎక్కువగా రాష్ట్రంలోని ప్రజలే బలంగా నిశ్చయించుకున్నారు. మంచి పనులు చేసే పార్టీలను, అభివృద్ధి, ప్రజల సంక్షేమానికి ప్రాధాన్యమిచ్చే వారిని ఓటర్లు ఎల్లప్పుడూ ఆదరిస్తారు."
-ప్రధానమంత్రి నరేంద్ర మోదీ
అంతకుముందు, ఉత్తరాఖండ్ అల్మోరాలో నిర్వహించిన సభను ఉద్దేశించి మాట్లాడిన ఆయన.. కాంగ్రెస్పై తీవ్ర స్థాయిలో ధ్వజమెత్తారు. సబ్కా సాత్ సబ్కా వికాస్ నినాదంతో తాము ముందుకెళ్తుంటే.. విపక్షాలు మాత్రం అందరినీ విభజించి దోచుకోవాలన్న సూత్రంతో పనిచేస్తోందని మండిపడ్డారు.
మరోవైపు, ఉత్తర్ప్రదేశ్లో వచ్చేది సంకీర్ణ ప్రభుత్వమని తేలిపోయిందని సమాజ్వాదీ పార్టీ అధినేత అఖిలేశ్ యాదవ్ జోస్యం చెప్పారు. 'తొలి దశ ఎన్నికలు అయిపోయాయి. ఫలితం మార్చి 10 వస్తుంది. కానీ యూపీలో సంకీర్ణ ప్రభుత్వమే ఏర్పడుతుందని ఇప్పుడే స్పష్టమైపోయింది' అని చెప్పుకొచ్చారు.
ఇదీ చదవండి: హిల్స్టేట్లో 'హిట్' కొట్టేదెవరు? ఈ 'సీఎం'తో అయినా ట్రెండ్ మారేనా?
